1 TUCUI ÑUCANCHI MINISTINCHI QUISHPICHI TUCUNGAJ

“Runa churi, [...] shamucani, [...] ñuca causaira cungaj ashcaunara randingaj” (Mateo 20:28).

¿Imarasha tucui ñucanchi ministinchi quishpichi tucungaj?

  • Génesis 3:​17-19

    Adán Jehová Diosta mana casushcamanda paihua ali amigo tucunara, ucha illaj causanaras chingachica, huasha paraisomanda llucchishca tucuca.

  • Romanos 5:​12

    Adamba culpamanda uchayuj pagarinara, huañunaras chasquishcanchi.

  • Efesios 1:7

    Runaunara uchamanda quishpichingaj, huañuimanda llushpichingaj, Jehová Dios shu quispichijta cachamuca.

2 QUISHPICHINGAJ JEHOVÁ PURUNTUCA

“Dios paihua sapalla Churira cai pachama cachamuca, ñucanchi paimanda causangaj” (1 Juan 4:9).

¿Imara Jehová Dios rurarca quishpichishcamanda pagangaj?

  • Salmo 49:​7, 8

    Adán ucha illaj causai chingachishcara mana pis paganara ushacanchichu.

  • Lucas 1:​35

    Jehová paihua llaquishca Churira cai Allpama cachamuca runa churi ucha illaj cuinta pagarichu.

  • Romanos 3:​23, 24; Hebreos 9:​24

    Jesús causarishca huasha, ahua pachama tigraca pai ucha illaj causaihua quishpichingahua pagangaj Yaya ñaupai shayarica.

3 QUISHPICHISHCAGA SHU CHAPANARA CUN

“Tucui iquira paiguna ñahuimanda pichangami. Ña huañuna illanga” (Ricuchina [Apocalipsis] 21:4).

¿Imasnara quishpichishca ñucanchira yanapan?

4 RANDISHCAMANDA PAGARACHUNCHIMI

“Dios [...] paihua sapalla Churira cuca, maicans paihuajpi quirisha [...] huiñai causaira charichu” (Juan 3:16).

¿Imasnara ñucanchi Yaya Diosta pagarachunchi shu quishpichijta cuyashcamanda?

  • Juan 17:3

    Jehová Diosta, Jesustas ricsi, paiguna ali rashcaras cati.

  • Lucas 22:​19

    Caran huata Jesús huañushca punzha iyarinama ringui.

  • Juan 3:36; Santiago 2:​26

    Ama ninguichu shimimandalla Jesuspi quirini nisha. Jesús yachachishcasna pactachisha causai.