Diosga Adanma Evamas ali cuyashcaunara cuca Génesis 1:​28

Jehová punda huarmira rurarca. Huasha Adanma cuca paihua huarmi tucuchu (Marcos 10:​6, 7).

Diosga Adán Evaras paiguna iyaira aicharas ucha illaj rurarca.

Paigunaga Edén nishca sisa pambai causanuca. Chibi ali yacu, gustu yurauna, animalgunas tiaca.

Jehová paigunara rimasha yachachij aca. Edembi unaigama causanara munashaga Diosta casuna anuca.

 Dios shu yuramandalla ama micunguichichu nisha mandaca Génesis 2:​16, 17

Diosga Adán Evaras mandacami shu yuramandalla ama micunguichichu, chita micushaga huañunguichimi nica.

Shu ángel Diosta chijnij tucuca. Chi ángel Supai Satanás nishcami an.

Supaiga mana munacachu Jehová Diosta casunuchu. Shu machacuira rimachisha Supaiga Evara llullasha nica, chi yuramanda micushaga mana huañunguichichu. Dios cuinta tucunguichi nisha rimaca (Génesis 3:​1-5; 1 Timoteo 2:14).