Corea del Sur llactai

Brasil llactai

Australia llactai

Guinea llactai

Ñaupamandallara Jehová Dios munashcami ailluuna paigunapura tandarisha Diospa Shimimanda yachanuchu, shina gunlla causanuchu (Deuteronomio 6:​6, 7). Chiraigu Jehovahuaj testigoguna ashcamanda, caran semanai timpura llucchinchi aillupura cushilla Jehová Diosta adorangahua. Cai tandarinai aillura yanapachu nisha Bibliai mascasha estudianchi. Sapalla causajcunas shu timpura mascanun Bibliara estudiangahua maican yachana munaimandas.

Diospajma mas llutaringahua. “Diospajma mayanllayamuichi, shina rajpi pai cangunama mayanllayamungami.” (Santiago 4:8.) Diospa Shimira, pai ima rashcaunara yachausha Yaya Diosta mas ricsinchi. Bibliara leasha callarina ushangui, Jesús rashcasna catisha causashunchi nishca tandarina, caran semanai, Biblia maican partimanda yachachingaraushcara leana ushangui.

Aillupura ali causangahua. Cariuna, huarmiunas, yayaunas, huahuaunas Bibliara parijulla estudiashaga, mas paigunapura shinzhiyanusha causanunmi. Chiraigumanda cai tandarina ali gustu ana an. La Atalaya, ¡Despertad! nishca quillcaunai, o Internetpi jw.org nishcai yachachishcaunaraga huahuauna ima ministishcasna ajllasha estudiana ushangui. Huahuauna problema charishcaunara yanapangaj ali purunturishca anuchu yachachinami angui. ¿Maicambi shu programa JW Broadcasting (tv.jw.org) nishcara ricushca huasha camba ailluhua cuintarina ushangui? Astaumbas canticogunara repasachina ushangui, huasha imashituhuallas micuna ushanguichi.

Caran semana Jehová Diosta adorangahua timpura llucchishaga, aillupura tucuiguna cushihua Diospa Shimira yachana hurasta chapanunga. Shina rajpi Jehová ashcarami bendicianga (Ricuchina [Apocalipsis] 1:3).

  • Aillupura Jehová Diosta adorangahua ¿imarasha lugarda mascanchi?

  • Yayaunaga Diosta adorana hurasbi huahuauna cushihua achu ¿imara rurana anun?