¿Can imara ningui . . .

  • . . . runaguna iyaichu?

  • . . . cuentogunallachu?

  • . . . Diospa shimichu?

 BIBLIA NINMI

“Tucui [...] Quilcashca Diosmanda rimashcami” (2 Timoteo 3:16. Mushuj Pactachina Shimi.)

CAITA YACHANAGA IMASNA YANAPAN

Causaimanda valishca tapuigunara ali intindishunmi (Proverbios 2:1-5, Traducción del Nuevo Mundo [NM]).

Caran puncha imasna ali causangahua yachashun (Salmo 119:105, NM).

Ali causana shamunara chapashun (Romanos 15:4).

 BIBLIA RIMASHCARA ¿IMARASHA QUIRINA ANCHI?

Ricushun:

  • Bibliaga imauraspas mana pandarishcachu. Bibliara 1.600 huataunai 40 runaguna quilcanuca. Paigunapura mana ricsinushca ashas, Diospa gobiernomanda, paihua shutimandas tucuiguna chimandallara quilcanuca.

  • Mana pacasha tucuira quilcanuca. Ashca runaguna paiguna ali saquiringahualla chaupillara quilcanaun, randi Bibliara quilcaj runaguna paiguna ucharas, paiguna llacta vinci tucushcaras mana pacasha tucuira quilcanaushca. (2 Crónicas 36:15, 16, NM; Salmo 51:1-4, NM).

  • Biblia nishcaguna pactarinmi. Jesús Belenbi pagarina ashcara Bibliaga 700 huata pishijpis ña rimaca (Miqueas 5:2, NM). Jesusga Biblia rimashca shina Belenbi pagaricami (Mateo 2:1-6).

Shinallara ashca profesiaguna tucuibi pactarishca. Chiraigu Bibliaga Diospa shimi an (2 Pedro 1:21).

 ¿CANGA TAPURISHCANGUICHU?

Ñucaraga Diospa Shimi ¿imasnara yanapan?

Yachangahua Bibliai mascana ushangui ISAÍAS 48:17, 18, NM; 2 TIMOTEO 3:16, 17.