Huañushcacunaca causaringami
Tucuicunami huañuna canchij. Pero, ¿huañushpaca chaipichu tucurinchij? ¿Huañushcacunataca ña pi manachu yuyarin? ¿Huañushcacunaca causaringachu?
¿BIBLIACA IMATATAJ YACHACHIN?
DIOSCA HUAÑUSHCACUNATACA MANA CUNGARISHCACHU
‘Tucui pambashcacunami causaringa’ (Juan 5:28, 29).
Huañushcacunataca Diosca paipaj yuyaipimi charin. Paipaj yuyaipi cajcunataca cutinmi causachinga.
HUAÑUSHCACUNACA CAI ALLPAPIMI CAUSARINGA
“Tucui huañushcacunatami cashcata rurajcunatapish, mana cashcata rurajcunatapish Taita Dios causachinga” (Hechos 24:15).
Achca millones gentecunami cai Allpapi huiñai huiñaita, cushilla causangapaj causaringacuna.
HUAÑUSHCACUNA CAUSARINATAMI CRINCHIJ
Diosca “luzerocuna mashna cashcatapish paimi yupashcata charin. Tucui chaicunataca paicunapaj shutipimi cayan” (Salmo 147:4).
Yaya Diosca luzerocunata shutipi cayaj cashpaca, paipaj yuyaipi caj huañushcacunatacarin jahuallami yuyarishpa causachinga.
