Ima tiyashcata ricui

Ima tiyashcata ricui

 CALLARI YUYAIMANTA | ANGELCUNACA ¿TIYANCHU? ¿ÑUCANCHIJTA AYUDANCHU?

¿Shuj cuidaj angelta charinguichu?

¿Shuj cuidaj angelta charinguichu?

Cada uno shuj cuidaj angelta charishcataca Bibliaca mana yachachinchu. Jesusca: “Cai uchilla shinacunataca, pajta pitapish p⁠ˈ⁠iñashpa, mana ricushun ninguichijman. Cancunaman huillanimi: Caicunapaj angelcunaca, jahua pachapi caj ñuca Yayataca huiñaitami ñahui ñahui ricucun” nircami (Mateo 18:10, El Nuevo Testamento Quichua, Nueva Versión Internacional, 1999). Shinapish pai nishca shimicuna cada uno shuj cuidaj angelta charishcataca mana ninchu. Ashtahuanpish angelcunaca tucui Diosta sirvijcunata ayudanata munashcatami Jesusca yachachirca. Shina cajpipish Diosta alli sirvijcunaca, angelcunaca tucuipi ayudangallami nishpaca mana yuyancunachu. Chaimantami ima llaquipi ama urmangapaj cuidarincuna.

Angelcunaca gentecunatami ayudan (Salmo 91:11). Huaquin gentecunaca Dios paipaj angelcunahuan ayudaj cashcatami crincuna. Por ejemplo, punta temapi parlashca Kenneth runaca chashnami crin. Testigo de Jehovacunaca angelcuna huillanapi achca cutin ayudashcatami crincuna. Angelcunataca mana ricui tucunchijchu. Chaimantami Diosca paipaj angelcunahuan mashna cutin gentecunata ayudashcataca mana ni tucunchij. Shinapish Dios paipaj angelcunahuan ayudashcata crishpaca paita pagui ninallami canchij (Colosenses 3:15; Santiago 1:17, 18).