YACHAI 10
Tonota cambiashpa parlai
Mateo 10:27
YUYARI: Intindirinalla shimihuanmi parlana cangui. Chaipajca mana sinchita parlanachu cangui. Ashtahuanpish tonota cambiashpami parlana cangui.
CASHNA RURAI:
-
Parlacushpaca tonota cambiashpa parlai. Cushilla cashcata ricuchingapaj, o imatapish parlangapajca siempremi can parlacushca tonota cambiana cangui. Por ejemplo, mancharina cosascunamanta parlagrishpa o manaraj shuj importante yuyaimanta parlashpami ashitota vozta bajana cangui. Cutin, importante yuyaicunamanta ña parlacushpa, o Dios llaquichisha nishcacunamanta Bibliapi liyicushpaca ashitotami vozta alzana cangui. Shinallataj ima cosascuna jatun o uchilla cashcata ricuchingapajca tonotami cambiana cangui.
-
Imata parlagrishpaca rato o allimantalla parlai. Cushichij yuyaicunamanta rato parlajpica paicunaca atentomi uyangacuna. Cutin, importante cosascunata yachachisha nishpaca alli intindichunmi gushtullata parlana cangui.