Ima tiyashcata ricui

Ima tiyashcata ricui

 Lección 9

Jeremiasca Jehovamanta parlashpami catirca

Jeremiasca Jehovamanta parlashpami catirca

¿Gentecunaca imamantataj Jeremiashuan pˈiñarirca?

Jehovami jutcumanta Jeremiasta llujshichichun cacharca

Jehovamanta parlajpica huaquincunaca pˈiñarishpa, chanzata rurashpami asincuna. Chaimantami llaquilla sintirinchij ¿nachu? Huaquinpica Jehovamanta ña mana parlasha ninchijchu. ¿Canpish chashna sintirishcanguichu?... Bibliapica Jehovata cˈuyaj shuj runapish Jehovamanta casi parlanata saquishcatami yachachin. Paipaj shutica Jeremiasmi carca. Ima tucushcata yachashun.

Jeremías huambralla cajpimi Jehová Diosca, mana allita ruranata saquichij nishpa gentecunaman huillagri nirca. Chaita huillanaca sinchimi carca. Chaimantami Jeremiasca mancharca. “Ñucaca huambrallami cani, imata ninatapish mana yachanica” nircami. Shinapish Jehová Diosca: “Ama manchaichu ñucami canta uyudasha” nircami.

 Chaimantami Jeremiasca: “Mana allita mana saquishpaca llaquichishcami canguichij” nishpa huillai callarirca. ¿Gentecunaca cazurcachu?... Mana. Huaquincunaca chanzata rurashpami asircacuna, shujtajcunaca achcatami piñarircacuna. ¡Huaquincunaca huañuchisha nircami! ¿Jeremiasca ima shinataj sintirirca?... Achcata manchashcamantami Jehovamanta ña mana parlasha nirca. ¿Jeremiasca Diosmanta parlanata saquircachu?... Mana. Diosta achcata cˈuyashcamantami Jeremiasca parlashpa catirca. Chaimantami Jeremiasta ama llaquichichun Jehová Diosca cuidarca.

Shuj punllaca millai runacunami Jeremiastaca shuj jutcupi shitarca. Paica lodolla jutcupimi pambaricurca. Chaipica yacutapish micunatapish mana charircachu. ¡Chai millai runacunaca huañuchunmi munarca! ¿Jeremiasca huañurcachu? Mana, Jehová Diosmi jutcumanta llujshichichun cacharca.

Manchaihuan cashpapish Jeremiasca Diosmanta parlashpami catirca. ¿Imatataj Jeremías shina rurai tucungui?... Jehovamanta parlajpica huaquincunaca pˈiñashpa, chanzata rurashpami asingacuna. Pingaita o manchaita charishpapish Jehovamanta parlanataca ama saquingui. Yuyari, Jehová Diosca Jeremiasta shinami cantapish ayudanga.