Ima tiyashcata ricui

¿Huañushcacunaca causaringachu?

¿Huañushcacunaca causaringachu?

¿Imatataj ninguiman...

  • ... ari?

  • ... mana?

  • ... imachari?

 BIBLIACA NINMI

‘Huañushcacunataca Dios causachingami’ (Hechos 24:​15, Biblia en Quichua Chimborazo, 1989).

CAITA CRINACA ¿IMA SHINATAJ AYUDAN?

Shuj familia huañujpi mana yallitaj llaquirishunchu (2 Corintios 1:​3, 4).

Huañunata mana manchashunchu (Hebreos 2:15).

Huañushca familiacuna causarinatami tucui shunguhuan crishun (Juan 5:​28, 29).

 ¿BIBLIA YACHACHISHCATA CRINACHU CANCHIJ?

Quimsa yuyaicunata ricushun:

  • Diosmi causaita callarichirca. Bibliapica Jehová Diosmi ‘causaita, samaita cun’ ninmi (Hechos 17:​24, 25; Salmo 36:9). Tucuicunaman causaita cungapajmi poderta charin. Huañushcacunata causachingapajpish poderta charinmi.

  • Ñaupaca Diosca ñami huañushcacunata causachirca. Bibliapica 8 huañushcacunata causachishcatami parlan. Cˈari o huarmi cajpipish, mashna huatata charijpipish cutin Allpapi causachunmi causachirca. Huaquincunataca huañushca qˈuipallami causachirca. Cutin shuj cˈaritaca chuscu punlla qˈuipami causachirca (Juan 11:​39-44).

  • Diosca huañushcacunata causachinatami munan. Jehová Diosca huañuitaca pˈiñanmi (1 Corintios 15:26). Huañuita chingachina munaita charishcamantami huañushcacunata causachinga. Paipaj yuyaipi cajcunataca Allpapi causachunmi causachinga (Job 14:​14, 15).

 CASHNA TAPURI

¿Imamantataj yuyajyanchij huañunchijpish?

Cai versocunata mashcai GÉNESIS 3:​17-19; ROMANOS 5:⁠12.