Ima tiyashcata ricui

Ima tiyashcata ricui

 LECCIÓN 4

Jesusca ¿pitaj can?

Jesusca ¿pitaj can?

1. ¿Ima shinataj Jesusca tiyai callarirca?

¿Imamantataj tucuicuna Jesushuan canata munarca? (MATEO 11:29; MARCOS 10:13-16).

Puntapica Jesustami Diosca rurarca. Allpaman manaraj shamushpaca, Jesusca jahua pachapimi espíritu shina causarca (Juan 8:23). Jesusmi tucuita rurashpa Diosta ayudarca. Diosca paillami Jesustaca rurarca. Chaimantami Bibliapica Diospaj “shujlla” Churi nin (Juan 1:​14). Paipaj Yaya nishcata huillajpimi Jesustaca “Rimashca” nishpa shutichin. Proverbios 8:​22, 23, 30; Colosenses 1:​15, 16-ta rezapai.

2. Jesusca ¿imamantataj Allpaman shamurca?

Diosmi paipaj Churitaca cai Allpaman cacharca. Jesuspaj causaitaca soltera Mariapaj huijsapimi churarca. Chaimantami Jesusca cai pachapi mana shuj yayata charirca (Lucas 1:​30-35). Jesusca ¿imapajtaj Allpaman shamurca? 1) Diosmanta alli yachachingapaj, 2) llaquicuna tiyajpipish Diospaj munaita rurana cashcata yachachingapaj, 3) paipaj jucha illaj causaita cushpa ‘quishpichingapajmi’ shamurca. Mateo 20:​28-ta rezapai.

3. ¿Imamantataj quishpichichun minishtircanchij?

Shuj runapaj causaita quishpichingapajca shuj preciota paganami minishtirin (Éxodo 21:​29, 30). Gentecuna yuyajyachun, huañuchunca Diosca mana munarcachu. Diosca Adantaca nircami, juchata rurashpaca huañunguimi nishpa. Juchapi mana urmashca cashpaca mana huañunmanchu carca (Génesis 2:16, 17; 5:5). Bibliapi nishca shinaca, Adanmantami huañuica  cai pachaman “yaicurca”. Adanmantami tucuicuna juchayuj canchij, huañuipish japin. Chaimantami tucuicuna shuj quishpichijta minishtinchij. Romanos 5:12; 6:​23-ta rezapai.

Huañuimantaca ¿pitaj ñucanchijta quishpichi tucurca? Huañushpaca ñucanchij juchacunamantami paganchij. Juchayuj cashcamantami mana shujtajcunata quishpichi tucunchij. Salmo 49:​7-9-ta rezapai.

4. Jesusca ¿imamantataj huañurca?

Jesusca mana ñucanchij shina juchayujchu carca. Paica mana paipaj juchacunamantachu huañurca, gentecunata quishpichingapajmi huañurca. Jehová Diosca paipaj Churita Allpaman cachashpami gentecunata achcata cˈuyashcata ricuchirca. Jesuspish gentecunata cˈuyashcamantami paipaj Yayata cazushpa juchamanta, huañuimantapish ñucanchijta quishpichingapaj huañurca. Juan 3:​16; Romanos 5:​18, 19-ta rezapai.

Cai videota ricui: ¿Jesusca imamantataj huañurca?

5. Cunan punllacunapica ¿imatataj Jesusca ruracun?

Jesús huañujpica Diosmi cutin jahua pachapi causachun causachirca (Efesios 1:20). Chai qˈuipaca tucui Allpata mandangapaj Dios poderta cungacamami Diospaj alli ladopi shuyana carca (Hebreos 10:​12, 13). Cunanca ñami Jesusca jahua pachapi mandacun. Chai alli huillaitami paita catijcunaca tucui Allpapi huillacun. Daniel 7:​13, 14; Marcos 13:​10-ta rezapai.

Jehová Dios Jesusman poderta cushcamantami, Rey Jesusca ñalla millai gentecunata, tucui llaquicunatapish tucuchinga. Jesús cai Allpapi cashpaca ungushcacunata jambirca, huañushcacunata causachirca, llaquilla cajcunatapish ayudarcami. Chashnami shamuj punllacunapi Diosta servijcunata ima shina ayudanata ricuchirca (Mateo 15:​30, 31; Juan 5:28). Jesuspi feta charijcunaca cai Allpa shuj paraíso tucujpimi cushilla causangacuna. Proverbios 2:​21, 22-ta rezapai.