Ima tiyashcata ricui

Ima tiyashcata ricui

 Lección 5

Cusapaj o huarmipaj familiacunahuan alli apanacuichij

Cusapaj o huarmipaj familiacunahuan alli apanacuichij

“Cuj canata, mana jatun tucushca canata, manso shungu canata, mana pˈiñarij canata churarichij.” (Colosenses 3:12)

Shuj cˈari shuj huarmi cazarajpica shuj mushuj familiami callarin. Yaya mamata cˈuyanata, respetanata mana saquishpami, cunanca cusapi o huarmipi ashtahuan yuyana can. Shinapish huaquinpica familiacunaca cai mushuj causaitaca mana chasquisha nincunachu. Bibliapi tiyashca consejocunaca familiacunahuan alli apanacuchun, cusandij huarmindij ashtahuan cˈuyanacuchunmi ayudan.

 1 FAMILIACUNAHUAN ALLI APANACUI

BIBLIACA CAITAMI YACHACHIN: “Cambaj yaya mamata alli ningui” (Efesios 6:2). Mashna huatata charishpapish, cambaj yaya mamata alli ninata, respetanataca mana saquinachu cangui. Shinapish ama cungaringui, cambaj cusapish o huarmipish paipaj yaya mamahuan cangapajmi tiempota charina can. Shinaca cambaj cusa o huarmi yaya mamahuan cangapaj tiempota charijpica mana jarcanachu cangui. Bibliaca: “Cˈuyaita charijca mana shujtajpajta munanchu” ninmi (1 Corintios 13:4; Gálatas 5:26).

CAITA RURAI:

  • “Cambaj familiaca ñucata rimacunllami” o “cambaj mamata ayudajpica manataj cushicunchu” nishpa mana rimanachu cangui

  • Cambaj cusa o huarmi imata yuyashcata entendi

 2 MINISHTIRIJPICA ALLI ENTENDICHISHPA PARLAI

BIBLIACA CAITAMI YACHACHIN: “Cˈarica, paipaj yayata mamata saquishpa paipaj huarmihuan tandanacushpa ishquindijmanta shuj aichallami tucunga” (Génesis 2:24). Cazarashca qˈuipapish yaya mamacunaca ayudasha nishpami, cancuna ima shina causacushcata yachasha nin.

Cancunapura parlanacushpami yaya mamacuna imata cancunapaj causaipi ama rurachun munashcata cˈuyaihuan parlana canguichij. Mana maipishcachun parlashpami alli entendichina canguichij (Proverbios 15:1). Mana jatun tucuna, mana pˈiñarij, manso shungu canami familiacunahuan alli apanacuchun ayudanga. Bibliaca: “Cˈuyaimantaca caishujmanta chaishujmanta ama pˈiñarishpa llaquicunata apaichijlla” ninmi (Efesios 4:2).

CAITA RURAI:

  • Yaya mamacuna ima shina causacushcata tucuita yachasha nijpica, mana pˈiñanacushpami cusandij huarmindij parlanacuna canguichij

  • Familia ucupi llaquicuna ricurijpica ima shina allichinata parlanacuichij