Ima tiyashcata ricui

Ima tiyashcata ricui

 LECCIÓN 27

Tandanacuna Huasipi tiyaj biblioteca. ¿Ima shinataj ayudan?

Tandanacuna Huasipi tiyaj biblioteca. ¿Ima shinataj ayudan?

Israel

República Checa

Benín

Islas Caimán

¿Bibliamanta ashtahuan yachasha ninguichu? ¿Shuj versomanta, ñaupa punllapi Diosta servijcunamanta, Bibliapi parlashca llajtacunamanta, ñaupa punllacunapi ima tucushcatapish yachasha ninguichu? ¿Llaquicunata ch’imbapurangapaj Bibliaca ayudanchu? Cai tapuicunamanta yachasha nishpaca, Tandanacuna Huasipi tiyaj bibliotecamanmi rina cangui.

Bibliotecapica achca ayudacunami tiyan. Testigo de Jehovacuna llujshichishca publicacioncunataca manachari tucuita can rimashca shimipi charingui. Tandanacuna Huasipi tiyaj bibliotecapica cunanlla llujshishca publicacioncunami tiyan. Shinallataj ch’ican ch’ican Bibliacuna, shuj alli diccionario, shujtaj librocunapishchari tiyan. Tandanacui manaraj callarijpi o tucurishca q’uipapish ricunaman rinallami cangui. Shuj computadora tiyajpica Watchtower Library nishca programami tiyanga. Chai programapica Testigocunapaj achca publicacioncunami tiyan. Minishtishca temacunata, shimicunata, versocunatapish mashcangapajca shuj uchilla programatami charin.

Jesús shina causashunchij huillashunchij tandanacuipi participajcunatami ayudan. Cambaj asignacioncunata preparangapajmi bibliotecapica achca ayudacuna tiyan. Jesús shina causashunchij huillashunchij tandanacuita pushaj huauquimi, Biblioteca allichishca cachun, mushuj publicacioncunapish tiyachun ricun. Bibliotecapi imata mashcasha nishpaca, escuelata pushaj huauquita o canta yachachijta ayudachun mañanallami cangui. Bibliotecapi tiyaj publicacioncunata japishpaca cuidanami cangui, mana señalanachu cangui. Tandanacuna Huasimantapish ama apangui.

‘Diosmanta alli yachaita japisha’ nishpaca, ‘pacashca tiyacuj sumaj charinacunata mashcaj shina’ mashcachun nishpami Bibliapica yachachin (Proverbios 2:1-5). Tandanacuna Huasipi tiyaj bibliotecami ashtahuan yachachun ayudanga.

  • ¿Tandanacuna Huasipi tiyaj bibliotecapica ima ayudacunataj tiyan?

  • ¿Picunataj bibliotecapi mashcachun ayudai tucun?