Ima tiyashcata ricui

Ima tiyashcata ricui

 LECCIÓN 21

¿Betelca imataj can?

¿Betelca imataj can?

Dibujajcuna (Estados Unidos)

Alemania

Kenia

Colombia

Hebreo shimipi Betel nishpaca ‘Diospaj huasi’ nisha ninmi (Génesis 28:17, 19, QCH, 2010). Testigo de Jehovacunaca muyundij Allpapimi Betel shuti huasicunata charin. Chai huasicunamantami alli huillaicuna ñaupajman catichun ayudan. Cuerpo Gobernanteca Estados Unidos, Nueva Yorkpi caj Betelpimi servin. Chai Betelmantami achca llajtacunapi tiyaj Betelcunata ricucun.

Betelpica tucui shunguhuanmi trabajancuna. Chai huasicunapi trabajaj huauqui panicunataca familia Betel nishpami rijsinchij. Shuj familia shinami micucushpa, trabajacushpa, Bibliamanta yachacushpaca tandalla, shujlla shina causan (Salmo 133:1). Familia Betelpica Diosta servij c’aricuna, huarmicunami achca horascunata tucui shunguhuan Diospaj munaita pajtachin. Shinallataj alli huillaicuna ñaupajman catichunmi ayudan (Mateo 6:33). Ni pi mana shuj sueldota chasquinchu. Tucuicunami maipi dorminata, micunata, shinallataj ima minishtishcata randingapaj ashalla cullquita chasquin. Cada unomi shuj trabajota charin: huaquincunaca oficinacunapi, cocinapi o micuna huasi ucupi, shujtajcunaca imprentapi o librocunata rurashpami trabajan. Cutin shujtajcunaca dormina ucucunata p’ichashpa, tajshashpa, Betel huasicunata allichishpami trabajan.

Betelmantami alli huillaicuna ñaupajman catichun ayudan. Betelpi ayudajcunaca Diospaj Shimimanta alli huillaicuna tucui gentecunaman chayachunmi munan. Cai folleto ima shina ñucanchijman chayashcata ricushun. Cuerpo Gobernantemi quillcachirca. Computadoracunapi rurashpami muyundij Allpapi traducij grupocunapajman cacharca. Chai q’uipaca huaquin Betelcunapi tiyaj imprentacunapi utca rurashpami 110.000 yalli congregacioncunaman cacharca. Chai tucuita rurashpami Betelpi trabajaj huauqui panicunaca alli huillaicuna ñaupajman catichun ayudacun (Marcos 13:10).

  • ¿Picunataj Betelpi trabajan? ¿Imallatataj chasquincuna?

  • ¿Betelpi rurashca trabajocunaca imapitaj ayudan?