Ima tiyashcata ricui

Ima tiyashcata ricui

 JESUS SHINA CAUSASHUNCHIJ

Limpio gentecunatami Diosca cˈuyan

Limpio gentecunatami Diosca cˈuyan

Achca yaya mamacunami paicunapaj huahuacuna limpio causachun munan. Chaimantami maquicunata maillarichun, cuartota limpiachun, huasita pˈichachun, basurata pambachun mandancuna. Shinapish Jehová Diosmi puntapica limpio causachun mandashca. Jucha illaj cashcamantami chaita munan (Éx 30:18-20; Dt 23:14; 2Co 7:1). Ñucanchij cuerpota, ñucanchij cosascunata siempre limpio charishpaca Jehovatami jatunyachinchij (1Pe 1:14-16). ¿Ñucanchij huasita, huasi canllacunataca ima shinataj charinchij? Huaquincunaca ñancunapi, parquecunapimi basurata shitancuna. Ñucanchijca ñucanchij Allpa pachataca limpiota charinatami munanchij (Sl 115:16; Ap 11:18). Caramelo papelcunata, botellacunata, chiclecunata mana maipipish shitashpami limpios cashcata ricuchinchij. ‘Ashtahuanpish tucui imata rurashpapish, Diospajta rurajcuna cashcatami ricuchinchij’ (2Co 6:3, 4).

LIMPIO GENTECUNATAMI DIOSCA CˈUYAN NISHCA VIDEOTA RICUSHCA QˈUIPA CAI TAPUICUNATA CUTICHI:

  • ¿Huaquincunaca paicunapaj cosascunata mana limpio charingapajca ima pretextocunatataj churancuna?

  • Israelitacunamanca limpios cachunmi Jehová Diosca mandarca, ¿imatataj paimanta yachai tucunchij?

  • ¿Imata mana nishpapish Diosta alabangapajca imatataj rurana canchij?

Jehová Diosca limpio causachunmi munan. Pai shina yuyashcata ricuchingapajca ¿imatataj cada punlla rurana cani?