Ima tiyashcata ricui

Ima tiyashcata ricui

 JESÚS SHINA CAUSASHUNCHIJ

JW.ORG paginaman yaicunata ricuchij tarjetahuan huillai

JW.ORG paginaman yaicunata ricuchij tarjetahuan huillai

Diospaj jatun llaquichina punlla ñalla chayamucushcamantami tucui gentecunaman utca huillana canchij (Pr 24:11, 12, 20). JW.ORG paginaman yaicunata ricuchij tarjetahuan huillashpami gentecunata ayudai tucunchij. Cai tarjetacunaca Internetpi jw.org paginaman yaicushpa Diosmanta yachachunmi ayudan. Shinallataj cai tarjetapica ¿Imamantataj Bibliamanta yachana canchij? nishca videota ricuchun, ashtahuan yachachun, Bibliamanta shuj estudiota mañachunpishmi shuj codigota charin. Huillacujpi huaquincunaca publicacioncunata mana japisha nincunachu, pero jw.org paginamanca yaicusha nincunami. Chaimanta mana manchashpa shuj tarjetata cunallami canchij. Cutin mana uyasha nij gentecunamanca mana saquinachu canchij.

Imata ruracushpapish gentecuna Diosmanta yachana munaita charichunmi ayudai tucunchij. Tarjetata cungapajca cashna callari: “Cai tarjetata quiquinmanmi convidasha nini. Internetpi jw.org paginaman yaicushpa videocunata, chˈican chˈican temacunatapish gratismi yachai tucungui” nishpa huillai (Jn 4:7). Tarjetacuna uchilla cashcamantami maiman rishpapish apai tucunchij. Chashnami maipi cashpapish huillai tucushun.