Ima tiyashcata ricui

Ima tiyashcata ricui

 JESÚS SHINA CAUSASHUNCHIJ

What Can the Bible Teach Us? librohuanca ¿ima shinataj yachachi tucunchij?

What Can the Bible Teach Us? librohuanca ¿ima shinataj yachachi tucunchij?

What Can the Bible Teach Us? libroca, ¿Bibliaca imatataj yachachin? libro shinami can (cai libroca manaraj Quichua Chimborazopica tiyanchu). Ishquindij librocunami Bibliamanta chaillatataj yachachin. Shinapish cai mushuj libroca jahualla shimicunapi quillcashcami can. Huaquincunapajca Yachachin librohuan yachanaca sinchimi can, chaimantami cai librota rurashcanchij. Tucuri paginacunapica ña mana Apéndice nishca tiyanchu, chaipaj randica notacunami tiyan. Cai notacunapica parrafocunapi tiyaj huaquin yuyaicunata, huaquin shimicunatami ashtahuan entendichin. Capitulocunaca ña mana tapuicunahuan callarinchu, “Bibliaca caitami yachachin” nishca cuadrotapish mana charinchu. Chaipaj randica cada parrafopi imallata yachashcata yuyaringapajmi ashalla yuyaicuna, huaquin versocunapish tiyan. Shujtaj publicacioncunahuan huillacushpapish, tucui quillacunami cai librohuan huillai tucunchij. Bibliamanta yachachingapaj cai libro imallata charishcata ricushun.

YACHASHCATA YUYARINGAPAJ. Achcacunamanmi Yachachin librollahuantaj parrafocunata leyishpa tapuicunata rurashpa yachachishpa catishun. Shinapish ¿mana alli leyinata yachajcunaman, mana tanto cai shimita entendijcunamanca ima shinataj yachachishun? Cai mushuj libromantami yachashcata yuyaringapaj paginacunamanta yachachina canchij. Ashtahuan yachasha nijpica tucui capitulota leyingui ninami canchij. 15 minutocunallapimi Bibliamanta cai librohuan yachachi tucungui. Yachashcata yuyaringapaj nishca paginacunapica ashalla yuyaicunapimi tucui capitulomanta quillcashcanchij. Chaimantami manaraj yachachigrishpaca yachacujpi yuyashpa alli prepararina canchij. Cutin tucui capitulota yachachishpaca yachashcata yuyaringapaj nishcatapish yachachinallami canchij.

NOTACUNA. Notacunaca cada capitulopi tiyaj huaquin yuyaicunata shimicunatami ashtahuan entendichin. Cai librota yachachicushpaca notacunata ima hora yachachinatami ricuna canchij.