Ima tiyashcata ricui

Ima tiyashcata ricui

 JESÚS SHINA CAUSASHUNCHIJ

Jesús shina rurashunchij

Jesús shina rurashunchij

Chˈican laya pruebacunata charishpa, catirashpa llaquichijpipish Jesús shinami ahuantana canchij (1Pe 2:21-23). Jesusca llaquicunata apacushpapish chanzata rurashpa cˈamijpica upallami saquirirca (Mr 15:29-32, NM). ¿Jesusca ima shinataj chai llaquicunata ahuantashca canga? Paica tucui shunguhuanmi Diospaj munaita rurarca (Jn 6:38). Cushicuna cashcata yachashpami paica mana yallitaj llaquirirca (Heb 12:2, NM).

¿Jesusta caticushcamanta pˈiñashpa llaquichijpica imatataj rurashun? ‘Llaquichijpipish mana chashnallataj llaquichishunchu’ (Ro 12:14, 17). Jesús shinallataj llaquicunata ahuantashpaca cushillami causashun, Diospaj ñaupajpipish allimi ricurishun (Mt 5:10-12; 1Pe 4:12-14).

TUCUIMANTA YALLICA JEHOVÁ DIOSTAMI JATUNYACHINA CANCHIJ NISHCA VIDEOTA RICUSHCA QˈUIPACA CAI TAPUICUNATA CUTICHI:

  • ¿Pani Poetzinger carcelpi cashpa paipaj tiempota alli aprovechangapajca imatataj rurarca?

  • ¿Huauqui Poetzinger paipaj huarmipish carcelpi cashpaca ima llaquicunatataj ahuantarcacuna?

  • ¿Ahuantashpa catingapajca imatataj rurarcacuna?

Llaquicunata charishpaca Jesús shinami ahuantana canchij.