Ima tiyashcata ricui

Ima tiyashcata ricui

 JESÚS SHINA CAUSASHUNCHIJ

¿Jehová nishcacuna pajtarinataca tucui shunguhuan cringuichu?

¿Jehová nishcacuna pajtarinataca tucui shunguhuan cringuichu?

Jehová Diosca pai nishcacunata tucuita pajtachishcatami Josuepish Salomonpish parlarcacuna (Jos 23:14; 1Re 8:56). Paicunaca Dios ima shina pajtachishcatami ricurcacuna. Caita yachanaca ñucanchijpish tucui shunguhuan Jehová Diospi crichunmi ayudan (2Co 13:1; Tit 1:2).

Josuepaj punllacunapi Jehová Dios nishcacunata ima shina pajtachishcata yachangapajca, Ni una sola palabra ha fallado nishca peliculata familiahuan ricui. Qˈuipaca cai tapuicunata rurashpa yachachi: 1) ¿Ima shinataj Rahab shina Diospi tucui shunguhuan cri tucunchij? (Heb 11:31; Snt 2:24-26). 2) ¿Dios ima nishcata yachashpapish Acán mana cazushcamantaca imataj tucurca? 3) ¿Gabaonitacunaca imamantataj Josueta umashpa israelitacunahuan mana macanacusha nirca? 4) ¿Pichca mandajcuna Israel llajtata llaquichisha nijpipish, ima shinataj Diosca pai nishcata pajtachirca? (Jos 10:5-14). 5) ¿Jehová Diosta servinata puntapi churashcamantaca ima shinataj canta bendiciashca? (Mt 6:33).

Jehová Dios imata rurashcapi, cunan imata ruracushcapi, imata ruragrishcapipish yuyashpaca, pai nishcacunata pajtachina cashcatami tucui shunguhuan crishun (Ro 8:31, 32).

¿Canca Josué shinachu Diospi tucui shunguhuan cringui?