Ima tiyashcata ricui

Ima tiyashcata ricui

 BIBLIAPI TIYAJ VALISHCA YUYAICUNA | ISAÍAS 58-62

Mandaj Dios quishpichinata munashca huatata huillashunchij

Mandaj Dios quishpichinata munashca huatata huillashunchij

‘Dios quishpichinata munashca huataca’ mana shuj huatallachu can

Isa 61:1, 2

  • Cai huataca alli shunguta charij gentecuna Jehová Diosmanta yachashpa quishpirina tiempotami ricuchin.

  • Ñaupa punllacunapica ‘Dios quishpichinata munashca huataca’ huata 29-pi callarishpaca huata 70-pimi tucurirca. Jesusca huata 29-pimi huillai callarirca. Diosca paita mana cazujcunataca huata 70-pimi Jerusalenta llaquichishpa tucuchirca.

  • Cunan punllacunapica ‘Dios quishpichinata munashca huataca’ 1914 huatapi callarishpaca jatun llaqui punllacunapimi tucuringa. 1914 huatapimi Jesusca jahua pachapi mandai callarirca.

Jehová Diosca paita servijcunataca ‘cashcata ruraj jatun yuracunahuanmi’ bendiciacun

Isa 61:3, 4

  • Cai versopi yura nishpaca hebreo rimaipica jatun sinchi yura cashcatami ricuchin.

  • Yallitaj jatun yuracunaca shujtaj yuracunahuanmi huiñancuna, chashnami bosque tucuncuna.

  • Yuracunapaj jatun sapicunaca pillurishpami sinchi tucuncuna. Chashnami shuj acapana tiyajpica mana urmancuna.

  • Ashtahuan jatun yuracunaca uchilla yuracunatami paicunapaj llanduhuan tapancuna. Hojacuna urmashpaca allpapaj abonomi tucun.

Tucui muyundij Allpapi Diosta servijcunaca ‘cashcata ruraj jatun yuracuna’ shina cai Allpapi saquirij ungidocunapaj ayudatami chasquincuna.