Ima tiyashcata ricui

Ima tiyashcata ricui

 JESÚS SHINA CAUSASHUNCHIJ

Alli huillajcuna tucushunchij: Gentecuna imata minishtishcapi yuyashpa

Alli huillajcuna tucushunchij: Gentecuna imata minishtishcapi yuyashpa

¿IMAMANTATAJ IMPORTANTE CAN? Ungidocunapish tucui huauqui panicunapish tucui laya gentecunatami “imata mana cushpa causaita cuj yacuta” ubyachun invitacuncuna (Ap 22:17). Causaita cuj yacuca Jehová Dios tucui gentecunata huañuimanta, juchamanta quishpichingapaj ima rurashcatami ricuchin. Chˈican chˈican crishcacunata, chˈican chˈican costumbrecunata charij gentecunataca huiñaipaj quishpirina alli huillaicunatami predicana canchij. Chaipajca cada unopaj minishtishcacunata ricushpami huillana canchij (Ap 14:6).

¿IMA SHINATAJ CAITA RURAI TUCUNCHIJ?

  • Can causan ladopi gentecunapaj shunguman chayangapajca imamanta parlanata, ima versota liyinata agllai. Chaipajca parlanacungapaj yuyaicuna nishcata ricui mana cashpaca gentecuna imata uyanata munashcapi yuyai. Por ejemplo, ¿ima versocunatataj gentecunaca uyasha nin? ¿Imamantataj chai versocunata uyasha nin? ¿Gentecunaca ima noticiacunamantataj parlacuncuna? ¿Cˈaricunaca imallatataj parlanata munancuna? Cutin ¿huarmicunaca imallamantataj parlasha nincuna?

  • Parlanacucushpaca can causan ladopi gentecuna ima costumbrecunata charishcata, ima shina saludaj cashcatami alli ricuna cangui (2Co 6:3, 4).

  • Huillangapaj agllashca publicacioncunata, videocunata alli rijsishpaca gentecunatami ayudai tucungui.

  • Can causan ladopi tiyaj gentecunapaj shimipi publicacioncunata, videocunata descargai.

  • Gentecuna imata minishtishcapi yuyashpa parlai (1Co 9:19-23). Por ejemplo, ¿huasiyujpaj cˈuyashca familia huañushcata yachaj chayashpaca imatataj ninguiman?

VIDEOTA RICUSHCA QˈUIPACA CAI TAPUICUNATA CUTICHI:

  • ¿Huauquica imatataj parlashpa callarirca?

  • ¿Huasiyujca imamantataj preocuparishca carca?

  • ¿Huasiyujmanca ima versota liyinataj ashtahuan alli carca? ¿Imamantataj chai versota liyinaca alli carca?

  • ¿Can huillan ladopi gentecuna alajata uyachunca imatataj rurashcangui?