Ima tiyashcata ricui

Ima tiyashcata ricui

 JESÚS SHINA CAUSASHUNCHIJ

Jesús huañushcata yuyarina tandanacuipaj allichirishunchij

Jesús huañushcata yuyarina tandanacuipaj allichirishunchij

Cai huatamantaca Jesús huañushcata yuyarina tandanacui chaupi semanapi cajpica chai semanapaj, Jesús shina causashunchij nishca tandanacuimi mana tiyanga. Cutin sábado o domingopi Jesús huañushcata yuyarina tandanacui cajpica Huillaj revistata yachana, shinallataj conferenciami mana tiyanga. Chaimantami Jesús huañushcata yuyaringapaj tiempota alli aprovechana canchij. Apostolcunapaj punllacunapipish Jesús huañushcata yuyaringapajmi allichirijcuna carca (Lu 22:7-13; km-S 3/15 pág. 1). Tucuicunami ñucanchij yuyaita, ñucanchij shunguta allichirina canchij. Pero, ¿ima layataj chaita rurashun?

  • Jesús huañushcata yuyarina tandanacuiman rina importante cashcatami yuyarina canchij (1Co 11:23-26).

  • Jehová Diosta mañashpa, paihuan alli apanacungapaj imata rurana cashcatapishmi yuyarina canchij (1Co 11:27-29; 2Co 13:5).

  • Jesús imamanta huañushcata yachangapajmi Bibliata, publicacioncunata liyina canchij. Shinallataj imata yachashcatami cutin cutin yuyarina canchij (Jn 3:16; 15:13).

Diospaj Shimita punllanta yachashunchij nishca folletopimi Jesús huañushcata yuyarina punllacunapaj agllashca versocuna tiyan. Huaquin huauqui panicunaca chai versocunata liyishpami cutin cutin yuyarincuna. Shujtajcunaca cai urapi tiyaj cuadropi caj versocunatami liyincuna. Shinallataj Huillaj revistapimi Jesús huañushcamanta parlaj, Jehovapish Jesuspish cˈuyashcamanta imata rurashcata parlaj temacunata yachancuna. Chaita rurashpami Jehová Diospajman, Jesuspajman ashtahuan cˈuchuyancuna.