Ima tiyashcata ricui

Ima tiyashcata ricui

 JESÚS SHINA CAUSASHUNCHIJ

Congregacionmanta caruyashcacunata ayudai

Congregacionmanta caruyashcacunata ayudai

Tucui huatacunami congregacionmanta caruyashca achca huauquicuna panicuna Jesús huañushcata yuyarina tandanacuiman shamuncuna. Paicunaca Diosta alli servi callarishpapish Jehová desea que vuelva nishca folletopi ricuchishca problemacunamantami Diosta servinata saquishcacuna (Heb 12:1). Diosca paipaj Churipaj yahuarhuanmi paicunataca randirca. Chaimantami congregacionmanta caruyashcacuna cajpipish Diospajca valishcacuna can (Hch 20:28; 1Pe 1:18, 19). ¿Paicuna congregacionman tigrachunca ima shinataj ayudai tucunchij?

Shuj michij runaca paipaj ovejacuna chingarijpica taringacamami mashcan. Chashnallatajmi ancianocunapish congregacionmanta caruyashcacunata mashcashpa ayudancuna (Lu 15:4-7). Chaica Jehová Dios paicunata achcata c⁠ˈ⁠uyashcatami ricuchin (Jer 23:3, 4). Pero mana ancianocunallachu ayudai tucuncuna. Paicunataca tucuicunami ayudai tucunchij. C⁠ˈ⁠uyaihuan ayudangapaj imatapish rurajpica Diosca cushicushpami ñucanchijta bendicianga (Pr 19:17; Hch 20:35). Pi congregacionmanta caruyashcapi yuyashpa utca ayudai.

CONGREGACIONMANTA CARUYASHCACUNATA AYUDAI NISHCA VIDEOTA RICUSHPA CAI TAPUICUNATA CUTICHI:

  • ¿Pani Abbeyca congregacionmanta caruyashca panita rijsishpaca imatataj rurarca?

  • ¿Congregacionmanta caruyashcacunata ayudasha nishpaca imamantataj ancianocunahuan parlanacuna canchij?

  • ¿Laurata manaraj cutin visitanaman rishpaca Abbeyca ima shinataj allichirirca?

  • ¿Cutin cutin visitanata, mana utca p⁠ˈ⁠iñarinata, c⁠ˈ⁠uyaihuan ayudanataca ima shinataj Abbeyca ricuchirca?

  • ¿Lucas 15:8-10-pi Jesús yachachishca ch⁠ˈ⁠imbapuraimantaca imatataj yachai tucunchij?

  • ¿Tucuicuna ayudashcamantaca Lauraca imatataj rurarca?