Llapan kanqanman ëwari

Qallananchö tïtulukunaman ëwë

Jehoväpa testïgunkuna

Idiömata akrë Quechua (Ancash)

¿Imakunapa pasarnintaq kawëta munashwannatsu?

¿Imakunapa pasarnintaq kawëta munashwannatsu?

KAWËNINTSIKCHÖ llapampis alli kaptinqa kushishqam sientikuntsik, peru mana allikunapa pasarninqa kawëtapis manam munantsiknatsu.

Estädus Unïduspita Sallyqa, * cäsi llapan kapunqantam oqrarirqan mantsakëpaq shukukï vientu pasariptin. Pëmi kënö willakun: “Manana aguantëta puëdinqätam pensarqä. Y mëtsika junaqkunam kallpannaq sientikoq kä”.

Kuyashqa kastantsik wanuptinqa alläpa llakikïpaqmi. Australiapita Janïce warmim kënö nin: “Ishkan wamräkuna wanuriptinqa mananam kawëtapis munarqänatsu, peru alli sientikïta munarmi imëkata rurarqä. Diostam kënö rogakoq kä: ‘Diosllä ¡manam aguantëta puëdillänatsu! Punukïkurqa manam riyamïta munaqnatsu kä’”.

Danielta warmin jukwan engañëkuptinmi, kawënin manana välinqanta sientirqan. Pëmi kënö nin: “Warmï jukwan engañamashqa kanqanta willaramaptinqa, imëka shonqüpa juk cuchillu pasareqtanömi sientirqä. Y atska killakunapam, kutin kutin juk cuchilluwan tuksiyämanqantanö sientirqä”.

¿Këkunapa pasarku kawëta munankinatsu?

Kë revistam yachatsikun këkunapa pasëkarnimpis yamë kawakïta puëdinqantsikta.

^ par. 3 Kë yachatsikïkunachöqa rasumpëpa jutinkunaqa jukmi.