¿Imatataq Biblia yachatsikun?
¿Llapan mañakïkunatatsuraq Dios wiyan?
¿IMANÖ KAQ MAÑAKÏTARAQ DIOS WIYAN?
¿Llapantatsuraq?
¿Wakinllatatsuraq?
¿O manatsuraq ni mëqanta?
BIBLIA YACHATSIKUNQAN
“Palabranta respetarnin llapan qayakoqninkunapa lädunchömi Jehoväqa këkan” (Salmu 145:18).
¿IMA MASTATAQ BIBLIA YACHATSIKUN?
Diosqa manam wiyantsu musyëkar ardëpa mana allita ruraqkunapa mañakïninkunataqa (Isaïas 1:15). Peru mana alli rurëninkunata jaqiyaptinqa, Dioswanmi alli amïgu këta puëdiyan (Isaïas 1:18).
Mañakïnintsikta Dios wiyanampaqqa, pë munanqannömi kanan y tsëqa Bibliachömi këkan (1 Juan 5:14).
¿Imanöraq Diosman mañakushwan?
WAKINKUNAQA NIYAN Diosman mañakunapaqqa: qonqurikunantsikraq, makintsikta choqpanantsikraq y maskunata ruranantsikraq precisanqantam. Y qamqa, ¿ima ninkitaq?
BIBLIA YACHATSIKUNQAN
Shëkarnin, tëkarnin, qonqurirëkarnin y cämanchö jitarëkarnin mañakoqkunatam Diosqa wiyashqa (1 Crönicas 17:16; 2 Crönicas 30:27; Esdras 10:1; Hëchus 9:40). Pëqa manam shëkur, tëkur o imanöpis churakëkur mañakunantsiktaraqtsu mañamantsik.
¿IMA MASTATAQ BIBLIA YACHATSIKUN?
Diosqa qollmi shonqu kaqkunatam wiyan (Salmu 138:6).
Ima idiömachöpis y shimintsik rurinllachöpis Diosnintsikmanqa mañakïta puëdintsikmi (2 Crönicas 6:32, 33; Nehemïas 2:1-6).
