“Qamtawan warmitam chikinakatsishqëki, y qampa kastëkiwan pëpa kastanmi chikinakuyanqa. Qammi kastampa atakanta herïdayätsinki, y pëpa kastanmi peqëkita o umëkita ushakätsimunqa”.

Genesis 3:15

“Qamqa mandanqaqta cäsukurqunkim, tsëmi qampa kastëkiwan llapan nacion nunakuna bendicionta chaskiyanqa”.

Genesis 22:18

“Gobiernuyki shamuykullätsun. Ciëluchö y patsachöpis rurëta munanqëkita rurëkullë”.

Mateu 6:10

“Ichikllachönam yamë kanapaq yanapamaqnintsik Teyta Diosqa, Satanasta ushakätsiyänëkipaq autoridäyoq kayänëkita permitinqa”.

Romänus 16:20

“Llapan imëkapis pëpa cargunman churashqa kaptinqa, Teyta Diosllana llapampa Gobernaq kanampaqmi, kikin Tsuripis imëkata cargunman churaqpa cargunman churakanqa”.

1 Corintius 15:28

 “Teyta Dios änikunqankunataqa Abrahanwan kastanmi chaskiyarqan”. “Manam tsëllatsu, Cristupa karqa, änikunqannö herenciata chaskeq Abrahanpa kastanmi kayanki”.

Gälatas 3:16, 29

“Señornintsikpa y Cristumpa Gobiernunmi, nunakunata gobernaq gobiernu tikrashqa, y pëmi imëyaqpis gobernanqa”.

Apocalipsis 11:15

“Tsëmi mantsëpaq jatun culebraqa, awmi, entëru patsata engañëkaq Diablu y Satanas niyanqan unë kaq culebraqa, uraman jitashqa karqan. Pëtaqa patsamanmi jitarkayämurqan, y angelninkunatapis pëtawan juntum jitarkayämurqan”.

Apocalipsis 12:9

“Mantsëpaq jatun culebrata, awmi, Diablu y Satanas unë kaq culebrata prësurkurmi, mil watapa watëkurqan”.

Apocalipsis 20:2