Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Täpakoq (yachakunapaq)  |  Noviembri de 2015

Leyeqkuna tapukuyanqan

Leyeqkuna tapukuyanqan

¿Kanku pruëbakuna Jericö markata ichik tiempullachö ushakätsiyanqanta rikätsikoq?

Josuë 6:10-15, 20 textuchömi willakun israelïta soldädukuna Jericö markata imanö ushakätsiyanqanta. Joqta junaqpam markapa jiruroqnimpa tumayaq, juk kuti cada junaqchö. Qanchis junaqchönam qanchis kuti tumayarqan. Tsënam jatusaq perqankunata Jehovä ishkitsirqan, y israelïtakunanam yëkurir tsë markata ushakätsiyarqan. ¿Biblia tsënö willakunqanta rikätsikoq pruëbakuna kanku?

Unë witsanchö ima markatapis juk tröpa ushakätsita munarqa, jiruroqnimpa churakëkurmi soldädukuna cuidayaq pipis mana qeshpinampaq. Atska junaqkunapa soldädukuna tsënö cuidayaptinqa tsë markachö mikïqa ushakäreqmi. Y tröpakuna juk markaman yëkurirqa, llapan munayanqankunatam apakuyaq, hasta mikïkunatapis. Tsëmi unë kaqkunata ashir estudiaqkuna niyan Palestinapa ushakashqa markankunachöqa mikïta wallkallata o mana tariyanqanta. Peru ushakashqa Jericö markachöqa tariyashqam. Juk revistam tsëpita parlarnin willakun, Jericö markachöqa mikïta winakunata y gränu mikïkunata atskata tariyanqanta. Jina willakunmi tsënö ushakätsishqa markakunachöqa, mikïta höralla tariyanqanta.

Bibliaqa willakun israelïtakuna Jericö markapita mikïta mana jorqayänampaq Jehovä michanqantam (Josuë 6:17, 18). Jina willakunmi cosëcha ushë witsan tsë markata ushakätsiyanqanta; tsëmi mëtsika gränukuna karqan (Josuë 3:15-17; 5:10). Awmi, ushakashqa Jericö markachö gränu mikïkunata atskata tariyanqankunam rikätsikun, Biblia willakunqannö ichik tiempullachö ushakätsishqa kanqanta.