Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Täpakoq (yachakunapaq)  |  Octubri de 2015

“Tsënö nunacunataqa shumaqmi estimayänequi”

“Tsënö nunacunataqa shumaqmi estimayänequi”

JEHOVÄPA Testïgunkunata Pushaqkunaqa, trabäjunkunata rurayänampaq joqta comitëkunaman * rakishqam këkäyan. 1992 watapita patsëmi mas poqushqa y alli yachaq anciänukunata akrayan cada comitëchö yanapakuyänampaq. Kë yanapakoqkunaqa, Patsachö quedaqpaq kaqkunapitam kayan (Juan 10:16). Pëkunaqa, yanapakuyanqan comitë reunionta ruranqanchöpis këkäyanmi, Jehoväpa Testïgunkunata Pushaqkuna wanayanqanta alistayan y imanö rurakänampaq kaqta pensayanqantapis parlakuyanmi. Peru Jehoväpa Testïgunkunata Pushaqkunanam imanö rurakänampaq kaqta akrayan. Kë yanapakoqkunaqa imëka rurëchöpis yanapakuyänampaqmi listu këkäyan. Jinamampis Jehoväpa Testïgunkunata Pushaqkunawanmi atska nacionkunapaq asamblëakunaman y especial asamblëakunaman viajayan. Höraqa Jehoväpa Testïgunkunapa principal kaq oficïnampa jutinchömi sucursalkunata watukayan.

1992 watapitana yanapakoq wawqim willakun, trabäjunta alli ruranqanqa, Jehoväpa Testïgunkunata Pushaqkuna Dios qonqan trabäjuta shumaq cumpliyänampaq yanapanqanta. 20 watapana juk yanapakoq wawqinam willakun, pëkunawan trabajëtaqa ni imëpis mana pensashqa kanqanta, y alläpa shumaq kanqanta.

Jehoväpa Testïgunkunata Pushaqkunaqa, kë wawqikunata atska trabäjutam qoyashqa y rurayanqantaqa alläpam valorayan. Tsëmi tsënö ‘nunacunataqa shumaq estimanantsic’ (Filipensis 2:29).

^ par. 2 Këpita mas willakïtaqa tarinki, El Reino de Dios ya está gobernando nishqan librupa 12 kaq capïtulumpa “El Cuerpo Gobernante cuida de los intereses del Reino” nishqan yachatsikïchö.