¿Shumaq yachakurku leyirqunki tsëllaraq yarqamoq Täpakoq revistakunata? ¿Puëdinkimantsuraq kë tapukïkunata contestëta?

14 de nisanchöqa, ¿imë hörataq pascua üshata pishtayaq?

Wakin Bibliakunaqa niyan “ishkan tardichö” pishtayänampaqmi, tsë ninanqa, Inti (Rupay) jeqarkuptin; ampir qallëkuptin, peru patsa atsikyëkaptinllaraq pishtayanqantam (Ex. 12:6) (15/12, 18 y 19 kaq päginakuna).

¿Bibliapa mëqan musyatsikïninkunataq jövinkunata yanapanqa alli kaqta akrayänampaq?

1) Diospa Gobiernunta y alli rurëninta ashi (Mat. 6:19-34). 2) Wakinkunata yanapar kushishqa kë (Hëch. 20:35). 3) Jövin kënikichö Jehoväta sirwir kushikï (Ecl. 12:1) (15/1, 19 y 20 kaq päginakuna).

¿Imëtaq Achkas casakunqa? (Apoc. 19:7.)

Rey Jesucristu chikeqninkunata venciriptinraqmi, o juk parlakïchöqa Jatun Garë Babilonia ushakäriptin y Armagedon kariptinraq (15/2, 10 kaq pägina).

¿Imanirtaq apostulkuna kawayanqan witsan judïukuna mäkoq mäkoqlla shuyakïkäyarqan Diospa akrashqan chämunanta? (Lüc. 3:15.)

Manam segürutsu këkantsik Mesïas chämunampaq Daniel willakunqanta entiendiyanqanta (Dan. 9:24-27). Tsënö kaptimpis musyayarqanchi, Jesus yuririptin mitsikoqkunata angelkuna willayanqanta o llulluta rikëkur profetïsa Äna templuchö parlanqanta. Jinamampis, qoyllur estudiaqkunam Jerusalenman chäyarqan “Israel nunacunapa reynin[ta]” ashirnin (Mat. 2:1, 2). Tsëpitanam, Juan Bautistapis Akrashqa yurimunampaq kaqta willakurqan (15/2, 26 y 27 kaq päginakuna).

¿Imatataq ruranantsik awmi nirir cumplinapaq? (2 Cor. 1:18.)

Höraqa imëka precisaq cäsukuna pasakuriptinmi awmi ninqantsikta cumplita puëdintsiktsu. Peru juk cristiänu imatapis änikushqa o parlashqa karqa cumplitam procuranan (15/3, 32 kaq pägina).

¿Imanötaq pornografïa rikë munëta vencishwan?

Kë kimantam ruranantsik: 1) mana allikunata rikëpitam cuidakunantsik: rakchakunata rikarqa rasmi nawintsikta jorqarinantsik; 2) mana alli pensëkunapitam cuidakunantsik: alli kaqkunamanmi pensanantsik y Diosmanmi mañakunantsik y 3) jutsaman chätsikoq rurëkunapitam cuidakunantsik: manam rikänantsiktsu Internetchö ni pelïculakunachöpis pornografïata rikätsikoq cösaskunata (1/5, 10-12 kaq päginakuna).

¿Imataq pasakunman familianta jaqirir juk nacionta qellërëkur juk cristiänu ëwakuptinqa?

Juk teyta o juk mama wamrankunata jaqirir juk nacionta ëwakuptinqa, wamrankunam mana alli sientikuyanqa y mana alli portakur qallëkuyanqa, hasta teytankunawampis resentikuyanmanmi. Y teyta kaqkunapis jukwan punukï jutsamanmi ishkiriyanman (15/4, 19 y 20 kaq päginakuna).

¿Ima chusku tapukïkunatataq cuentachö katsishwan Diospita yachatsikurnin?

¿Pikunatataq parlapashwan? ¿Mëchötaq parlapashwan? ¿Imëtaq parlapashwan? ¿Imanötaq parlapashwan? (15/5, 12-15 kaq päginakuna).