Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Täpakoq (yachakunapaq)  |  Juniu de 2014

Leyeqkuna tapukuyanqan

Leyeqkuna tapukuyanqan

¿Cristiänukunaqa familian wanuriptin tsë ayata kayayanmantsuraq?

Bibliaqa manam tsë rurë mana alli kanqanta willakuntsu.

Bibliaqa willakun, höraqa wanushqa nunakunapa cuerpunta o tullunta kayayanqantam (Jos. 7:25; 2 Crön. 34:4, 5). Itsa tsë rurayanqanqa rikätsikunman mana alli nunakunapa ayankunallata tsënö rurayanqanta. Peru manam tsërëkurllatsu kayayaq.

Bibliam willakun, filisteukunawan pelyëkar Saulwan kiman tsurinkuna wanuyanqanta; juk kaqqa karqa Jonatanmi Davidpa amïgun. Tsëta musyarirnam, Jabes-galaad markäpita wakin israelïtakuna, ëwayarqan chuskun ayakunata apayämunampaq, y kayarirmi tullunkunata pampëkuyarqan. Tsënö rurayanqampitam kë israelïtakunata rey David alabarqan (1 Sam. 31:2, 8-13; 2 Sam. 2:4-6).

Bibliaqa willakun wanushqakuna kawariyämunampaq kaqtam. Ayankuna kayakashqa kaptin o mana kayakashqa kaptimpis, Jehoväqa tsë nunallatam mushoq cuerpuyoqta sharkatsimïta puëdin. Yarpärishun rey Nabucodonosor kiman hebrëuta hornuchö kayëkuyänampaq mandakunqanman. Kë jövinkunaqa manam yarpachakuyarqantsu cuerpunkunata nina ushariptin, kawaritsimïta Jehovä mana puëdinampaq kaqta (Dan. 3:16-18). Jina tsënöllam nishwan campo de concentracion näzi nishqanchö wanoq y kayakashqa cristiänukunapaqpis. Kanan witsankunapis, Diospa sirweqninkunaqa imëka desgraciakunachömi kayakëpa wanuyan y manam ayankunata tariyantsu. Peru kawariyämunampaq kaqqa segürum (Apoc. 20:13).

Wanushqakunata Jehovä kawaritsirqa, manam ushakashqa cuerputa ichikpa ichikllapatsu juntanqa. Tsëtaqa mas entiendirintsik ciëlupaq kaqkunata kawaritsinqanwanmi. Jesusnöpis, ‘espïrituchömi kawariyämun’; tsë nunallam kayan, tsë pensëyoq, tsë sentimientuyoq y tsë yarpëyoqlla, peru espïritu cuerpuyoqna. Y ciëluta ëwakurqa manam ëtsayoq y tulluyoq cuerpunkunawantsu ëwayan (1 Pëd. 3:18NM; 1 Cor. 15:42-53; 1 Juan 3:2).

Kawaritsimänapaqqa manam ayantsikwan imatapis rurayanqantsu precisan, sinöqa Jehovä änikunqankunata cumplimunanman markäkunqantsikmi (yärakunqantsikmi) (Hëch. 24:15). Itsa chipyëpaqa entiendishuntsu unë witsanchö wanushqakunata Jehovä imanö kawaritsimunqanta ni shamoq tiempuchö imanö kawaritsimunampaq kaqta. Tsënö kaptimpis, Jesusta kawaritsimunqanta musyarmi, Jehovä ruranampaq kaqman markäkuntsik (Hëch. 17:31; Lüc. 24:2, 3).

Juk ayawan imata rurëtapis munarqa, tsë markachö nunakuna imata pensayanqanta, imanö sientikuyanqanta y autoridäkunapa leynin ninqantam cristiänukuna rikäyänan (2 Cor. 6:3, 4). Tsëmi, ayata kayayänampaq o mana kayayänampaqpis kikinkunapita o familiankunapita kanqa.