Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Täpakoq  |  No. 2 2017

Ushakë junaqta kawëkar pasaqkunaqa shumaq patsachömi kawakuyanqa.

¿Imatataq Biblia yachatsikun?

¿Imatataq Biblia yachatsikun?

¿‘Ushanan junaqkunachöku’ kawëkantsik?

¿Y qamqa ima ninkimanraq?

  • Awmi

  • Manam

  • Itsapis

Biblia yachatsikunqan

“Ushanan junaqkunachöqa alläpa mana alli tiempukunam kanqa, alläpa sasa tiempukuna” (2 Timoteu 3:1). Bibliapa musyatsikïninkuna y kanan witsan pasakïkanqankunam rikätsikun, ‘ushanan junaqkunachöna’ kawëkanqantsikta.

¿Ima mastataq Biblia yachatsikun?

  • Ushanan junaqkunachöqa guërrakuna, mallaqëkuna, patsa feyupa kuyïkuna y muyakoq qeshyakunam kanan karqan (Mateu 24:3, 7; Lücas 21:11).

  • Ushanan junaqkunachöqa, imëpitapis mas mana allikunam miranan karqan (2 Timoteu 3:2-5).

¿Imataq shamoq tiempuchö pasakunqa?

Wakin nunakuna niyanqan: Patsa y tsëchö kawaqkuna chipyëpa ushakäyänampaq kaqtam wakinqa niyan. Y wakinkunanam niyan, imëkapis mas alliyänampaq kaqta. ¿Y qamqa ima ninkimanraq?

Biblia yachatsikunqan

“Patsachöqa alli nunakunallam täräyanqa, y tsëchömi imëkamayaqpis kawayanqa” (Salmus 37:29).

¿Ima mastataq Biblia yachatsikun?

  • Ushakë junaq pasariptinqa mana alli rurëkunam kanqanatsu (1 Juan 2:17).

  • Patsam juk shumaq patsaman tikranqa (Isaïas 35:1, 6).