Biblia mana ushakanqanrëkurmi, leyita y katsita puëdinki. Juk idiömaman alli tikratsishqa Bibliata akrarqa, punta qellqayanqankunapita alli copiashqata leyikanqëkitam següru këkänëki. * Peru ¿imanirtaq Bibliaqa ushakashqatsu michäkïkäyaptimpis y yachatsikïninta cambiëta munëkäyaptimpis? ¿Imanirtaq Bibliaqa wakin librukunapita alläpa jukläya?

“Kananqa segürunam këkä katsinqä Biblia Diospa qarënin kanqanta”

Bibliata estudiaqkunam apostol Pablu pensanqannölla pensayan, Pabluqa kënömi qellqarqan: “Teyta Diospa palabranqa quiquinpitam shamun” (2 Timoteu 3:16). Pëkunaqa creiyan Biblia, Diospa Palabran karnin mana ushakanqanta y kanankamayaq këkänanta Dios permitinqantam. Qallanan kaq yachatsikïchö parlanqantsik Faizal nunam, Bibliata kikin alleq estudianampaq decidirqan. Yachakurirqa alläpam espantakurqan. Rasllam cuentata qokurirqan mana alli religionkuna yachatsikuyanqanta Biblia mana yachatsikunqanta. Jina Patsapaq Dios shumaq änikunqanta Bibliachö musyarinqanmi alläpa kushitsirqan.

Jina Faizalmi nin: “Kananqa segürunam këkä katsinqä Biblia Diospa qarënin kanqanta. Entëru Patsata Dios kamashqa këkarqa, ¿manatsuraq podernin kanman Palabranta noqantsikrëkur kananyaq cuidanampaq? Tsënö kanqanta mana creirqa, Diospa poderninmanmi creikashwantsu. Jina ¿pitaq noqaqa kä, Dios mana puëdinampaq kaqta pensanäpaq?” (Isaïas 40:8).

^ par. 3 Masta musyarinëkipaqqa, “Cómo escoger una buena traducción de la Biblia”, neq yachatsikïta rikäri, 2008 wata 1 de mäyu La Atalaya revistachö.