Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Täpakoq  |  No. 4 2016

Precisaq igualatsikïta rurë

Precisaq igualatsikïta rurë

ENTËRU Patsachömi, 2 mil millon nunakuna Jesuspa qateqnin kayanqanta niyan, cada kima nunapitam jukqa tsënö nin. ¿Qampis tsënöku ninki? Kanan witsankunaqa, waranqëpayan religionkunam kan y cristiänu kayanqantam niyan, peru jukläya jukläyam yachatsikuyan. Itsa qam creinqëkikunaqa, wakin nunakuna cristiänu kayanqanta nir creiyanqankunapita jukläya. ¿Precisanku imaman creinqëki? Bibliachö cristiänukunapaq parlanqannö rurëta munaptikiqa precisanmi.

Jesucristupa punta qateqninkunataqa “cristiänu” nirmi qayayaq (Hëchus 11:26). Rasumpa kaq religion jukllëlla kaptinmi, cristiänukunata reqiyänampaqqa juk jutikunata churayänan precisaqtsu. Rasumpa religionta patsätseq Jesucristu yachatsikunqankunata y mandakunqankunatam rasumpa cristiänukunaqa cäsuyaq. Y iglesiëkichöqa, ¿Jesucristu yachatsikunqanta y qateqninkuna creiyanqantaku yachatsikuyan? ¿Imataraq rurankiman yachatsiyäshunqëki rasumpa kanqanta següru känëkipaq? Tsëpaqqa, yachatsiyäshunqëkitam Biblia yachatsikunqantawan igualatsinëki.

Këman pensari, Jesucristuqa alläpam respetaq Diospa Palabranta, porqui kikin Diospita  shamunqantam creeq. Pëpaqqa manam allitsu kaq Bibliapa yachatsikïninkunata mana respetarnin, costumbrinkunata puntaman churayanqanqa (Marcus 7:9-13). Segürum këkantsik Jesucristupa rasumpa qateqninkunaqa Biblia yachatsikunqanman creiyanqanta. Tsëmi, Jesucristuta qatita munaqkunaqa kënö tapukuyänan: “¿Biblia yachatsikunqantaku religionnïchö yachatsikuyan?”. Kë tapukïta musyarinëkipaqqa iglesiëkichö yachatsikuyanqankunata Biblia yachatsikunqanwan igualaratsi.

Biblia yachatsikunqanmannö Diosta adoranapaqmi Jesusqa nirqan (Juan 4:24; 17:17). Y apostol Pabluqa, ‘rasumpa kaqta yachakurlla’ salvakunapaq kaqtam nirqan (1 Timoteu 2:4). Tsëmi, Diosman creinqantsikqa Biblia yachatsikunqanmannö kanan. ¡Tsëta rurarllam salvakushun!

¿IMANÖTAQ CREINQANTSIKUNATA BIBLIAWAN IGUALATSISHWAN?

Recuadruchö këkaq joqta tapukïkunata y tsëta Biblia imanö contestanqanta leyirinëkipaqmi animariyaq. Tsëchö këkaq textukunata leyiri y respuestankunaman pensë. Tsëpitana kënö tapukï: “¿Igualanku religionnïchö yachatsikuyanqankuna Biblia yachatsikunqanwan?”.

Kawënikichö kë precisaq igualatsikïkunata ruranqëkiqa yanapashunkim. ¿Munankimantsuraq iglesiëkipa wakin yachatsikïninkunatapis Bibliapa yachatsikïninkunawan igualaratsita? Jehoväpa testïgunkunaqa Bibliapitam yachatsishïnikita puëdiyan. ¿Imanirtaq Bibliapita debaldilla yacharatsiyäshunëkipaq mañakurinkitsu, o jw.org päginäkunaman yëkurinkitsu?