Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Septiembri de 2016

 DIOS MUNANQANNÖ KAWANAPAQ

Alli yachatsikoq kë: Bibliapita yachakïta munaqkunata reunionkunaman invitë

Alli yachatsikoq kë: Bibliapita yachakïta munaqkunata reunionkunaman invitë

¿IMANIRTAQ PRECISAN? Reunionkunaqa Jehoväpaq cantanapaq, y llapan semänakuna alabanapaqmi yanapamantsik (Sl 149:1). Jina munëninta rurëtapis yachakuntsikmi (Sl 143:10). Bibliapita yachakïta munaqkuna y estudiantikunaqa reunionkunaman ëwarmi mas ras Diospa kaqchö poquyan.

¿IMANÖTAQ RURASHWAN?

  • Manam juk estudiu biblicu patsakäriptinraqtsu reunionnintsikman invitashwan, sinöqa watukar qallanqantsikllapitanam invitashwan (Ap 22:17).

  • Bibliapita yachakï munaq nunakunata willë reunionnintsikkuna imanö kanqanta y shamoq kaq semäna reunionchö imapita yachakunapaq kaqta niri. Reunionkunaman invitakunapaqqa, ¿Imanötaq reunionnïkuna? neq vidëum yanapamäshun, jina ¿Pikunataq Jehoväpa munëninta rurëkäyan? neq follëtupa 5 y 7 yachatsikïninkunapis yanapamantsikmi.

  • Yanaparinëkipaq niri, itsa wanan cärruwan apayänanta o shumaq vistikunampaq röpankuna akrëta. Reunionkunachö lädunman täkï y kapushunqëki publicacionkunata rikätsi yachakuyänëkipaq. Congregacionchö wakin cristiänukunata reqitsi.