Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Enëru de 2016

 DIOS MUNANQANNÖ KAWANAPAQ

Diospita Yachatsikuna Wayi cuidë y rurëqa alläpa kushikïpaqmi

Diospita Yachatsikuna Wayi cuidë y rurëqa alläpa kushikïpaqmi

Israelchö templuta rurë atska qellëpaq y alläpa kallpachakïpaq kaptimpis, israelïtakunaqa tsë rurëchö yanapakuyarqan gänas gänasllam (1Cr 29:2-9; 2Cr 6:7, 8). Tsëpitaqa, templuta alli cuidashqata katsiyanqanqa, rikätsikurqan israelïtakuna Diospa kaqchö imanö këkäyanqantam (2Rë 22:3-6; 2Cr 28:24; 29:3). Kanan witsampis cristiänukunaqa atska qellëtam wanantsik y imëkanöpam kallpachakuntsik asamblëa localkunata, Diospita Yachatsikuna Wayita rurëchö, limpiëchö y shumaq katsichö. Tsë llapanta rurarmi Jehoväta adorantsik. ¿Manaku tsënö rurar yanapakïqa alläpa kushikïpaq? (Sl 127:1; Ap 7:15.)

¿IMANÖRAQ YANAPAKUSHWAN?

  • Reunionkuna ushariptinmi llapanta altsashqata jaqishwan. Täkunqantsikllatapis limpiuta y ordenädutam katsishwan.

  • Diospita Yachatsikuna Wayita limpianapaq y cuidanapaq patsätsiyämunqanchö yanapakïqa, alläpam precisan. Atskaq yanapakoqkuna kaptinqa fäcil-llam y kushi kushillam rurarintsik (lv 92 kaq päg. 18 kaq pärr.).

  • Donacionkunawan yanapakïtapis puëdintsikmi. Shonqupita patsë ruranqantsikqa Jehoväta kushitsinmi, ichiklla väleq ‘ishque sentabulla’ karnimpis (Mr 12:41-44).

  • Puëdinqantsikmannömi, Jehoväta adoranapaq localkunata y wayikunata rurëchö yanapakïta puëdintsik. Yanapakunapaqqa manam rurëta yachaqraqtsu kanantsik.