Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Noviembri de 2017

 DIOS MUNANQANNÖ KAWANAPAQ

Alli yachatsikoq kë: Watukakoq kutirnin

Alli yachatsikoq kë: Watukakoq kutirnin

¿IMANIRTAQ PRECISAN? Mëtsikaq nunakunam Diospa Gobiernumpita yachakïta munayan (Isa 55:6). Tsëmi Diospa sirweqnin kayänampaqqa, seguïdu yachatseq kutinantsik. Nunakunaqa imëka problëmapam pasayan, tsëmi tukïnöpa yachatsirnin yanapanantsik. Yachatsinapaq alli preparakurnin y cada watukaq ëwarnin imachö yanapëta munanqantsiktam cuentachö katsinantsik, tsënöpam estudiu biblicuta qallashun.

¿IMANÖTAQ RURASHWAN?

  • Raslla watukaq kuti, itsapis juk o ishkë junaqllata (Mt 13:19).

  • Shumaq tratë y respetë. Y alläpaqa ama mantsakïtsu.

  • Puntataqa saludakuri, y jutimpa qayë. Imapaq watukëkanqëkita niri, itsapis këkunarëkur watukëkanki: juk tapukïta contestanëkipaq, tsëllaraq yarqamushqa revistan apapunëkipaq, Internet päginantsikpita parlapänëkipaq, videuta rikätsinëkipaq o Bibliapita imanö yachatsikunqantsikta rikätsinëkipaq. Juk tëmapita yachakïta munaptinqa, tsëpita yacharatsi (Flp 2:4).

  • Rasumpa kaqta shonqunman juk textuwan o mëqan publicacionkunawampis murunqëkitaqa, parqunëkim (1Co 3:6). Yachëkantsinqëki nuna yachanäshunëkita procurë.

  • Yapë kutirnin imapita parlapänëkipaq juk tapukïta rurari.