Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Noviembri de 2016

 DIOS MUNANQANNÖ KAWANAPAQ

¿Imanötaq utilizashwan mas fäcil-lla entiendinapaq Yachatsikun libruta?

¿Imanötaq utilizashwan mas fäcil-lla entiendinapaq Yachatsikun libruta?

What Can the Bible Teach Us? libruqa (manam quechuachö kanraqtsu) Yachatsikun librurikoqmi. Kë mushoq libru y katsinqantsik Yachatsikun librupis igual-llam yachatsikuyan, y tsë ordenllachö. Peru kë mushoq librutaqa mas fäcil entiendinallapaqmi rurayämushqa. Tsëmi apendice kanampa rantin yachatsikoq willakïkuna kanqa, capïtulukunachö mana entiendinqantsik palabrakunata o yachatsikïkunata mas fäcil-lla entiendinapaq. Capïtulukunachöqa manam qallanan tapukïkuna ni yarpänapaq recuadrukunapis kanqatsu. Tsëpa rantinmi, fäcil-lla entiendinapaq ichikllachö willakïkuna neq yanapakïkuna kanqa. Yachatsikun librutanöllam kë mushoq librutapis qarakïta puëdishun, tsë killachö ima publicacionwan yachatsikïkarnimpis. ¿Imanötaq kë mushoq librupa shumaq rurashqa këninta provechashwan estudiu Biblicuta qonapaq?

ICHIKLLACHÖ WILLAKÏKUNA. Pärrafunkunata leyirnin y tapukïninkunata rurarnin yachakuyanqannöllam kanampis rurashun. Y ¿imataraq rurashwan yachakïkaq nuna parlanqantsik idiömata allilla mana reqiptin o alleqlla leyita mana puëdiptinqa? Tsë cäsuchömi publicadorqa, kë mushoq libruta utilizanman capïtuluchö ichikllachö willakïkuna neqpita yacharatsinampaq y animarinmanmi kikinllana tsë capïtuluta leyirinampaq. Yachatsinqanqa 15 minütukunanömi kanman. Ichikllachö willakïkunaqa tsë capïtulu yachatsikunqantam wallkallachö yachatsikun. Tsëmi publicadorqa tsë capïtuluta alli preparakunan, estudianti wananqanmannö shumaq yacharatsinampaq. Y juk capïtulupa pärrafunkunata yachatsirninqa, ichikllachö willakï neqpitam yachakuyanqanta yarpäriyanman.

YACHATSIKOQ WILLAKÏKUNA. Tsëchö palabrakunaqa cada capïtuluchö yurinqanmannömi ordenpa këkäyan. Publicadorqa rikänan yachatsikoq willakïkuna neqpita yachatsinan precisanqanta o mana precisanqanta.