25:1-12

Jesusqa ciëlupaq akrashqa qateqninkunatam, chunka doncëllakunapaq igualatsikïta willarqan. Tsëta entiendinqantsikqa noqantsiktapis yanapamantsikmi (w15 15/3 pägk. 9-14). “Mäkoq mäkoqlla këkäyë, porqui manam musyayankitsu ni imë junaq ni imë höra kanampaq kaqta” (Mt 25:13). Jesuspa kë igualatsikïnimpita entienditsikaramï.

  • Noviu (v. 1): Jesus.

  • Alli juiciuyoq o previnïda doncëllakuna (v. 2): Pëkunaqa kayan cargunkunata alleq cumpliyänampaq listu këkaq ciëlupaq akrashqakunam y imëka aktsi cuentam ushakë junaqyaq atsikyëkäyan (Flp 2:15).

  • “¡Këchömi noviu këkan!” neqta sinchipa wiyayanqan (v. 6): Tsëqa Jesus chämushqantana rikätsikoq señalmi.

  • Juiciunnaq doncëllakuna (v. 8): Pëkunaqa kayan noviu taripaq ëwaq ciëlupaq akrashqakunam, peru mäkoq mäkoq mana kayanqanrëkurmi Jehoväta jaqiriyan.

  • Alli juiciuyoq doncëllakunaqa manam aceitinkunata rakita munayantsu (v. 9): Këqa rikätsikun ciëluta ëwayänampaq segurashqana karnin, Jehoväta jaqishqa kaq ciëlupaq akrashqakunata yanapëta mana puëdiyänampaq kaqtam.

  • ‘Noviu chärin’ (v. 10): Këqa rikätsikun juzgakoq y ushakätsikoq jatun sufrimientupa ushananchö Jesus chämunqantam.

  • Alli juiciuyoq doncëllakunaqa casakï mikïmanmi noviuwan yëkuriyan, y punkum wichqakärin (v. 10): Jesusmi ciëlupaq akrashqakunata ëllun (qorin), peru Jehoväta jaqishqa kaq ciëlupaq akrashqakunaqa manam ëwëta puëdiyannatsu.