Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Marzu de 2017

 DIOS MUNANQANNÖ KAWANAPAQ

Diosta wiyakï neq follëtuta imanö utilizänapaq

Diosta wiyakï neq follëtuta imanö utilizänapaq

Diosta wiyakï follëtuqa dibüjukunayoqmi rurakämushqa, tsënö kanqanmi yanapakun leyiyanqanta alleqllaqa mana entiendeq nunakunata, Bibliapa precisaq yachatsikïninkunata yachatsinapaq. Cada yachatsikïninmi ishkë päginachö këkan y alläpa yanapakoq dibüjukunayoqmi, y tsë dibüjukunaqa shumaq rurashqa y ordenchömi këkäyan.

Diosta wiyakï imëyaqpis kawakunëkipaq neq follëtuqa mas letrakunayoqmi, peru Diosta wiyakï neq follëtuchö këkaq dibüjukunayoqllam. Kë follëtuwanqa leyita yachaq nunakunam yachakïta puëdiyan. Jinamampis, kë follëtutaqa publicadorkunam utilicëta puëdiyan estudiantinkuna Diosta wiyakï neq follëtuta utilicëkäyaptimpis. Wakin päginakunachöqa maslla yachatsikïyoq recuadrukunam kan.

Juk publicacionkunawan yachatsikïkarpis kë follëtukunataqa munatsikïta puëdintsikmi. Estudiu biblicuta qorqa dibüjunkunata utilicë Bibliapita shumaq yacharatsinëkipaq. Estudiantiki parlakaramunampaq y entiendikanqanta musyarinëkipaq tapukïkunata rurari. Cada päginapa ushananchö këkaq textukunata leyirir entiendiratsi. Kë follëtuwan yachatsikïta usharirqa Rasumpëpaqa, ¿imatataq Biblia yachatsikun? o ¿Imatataq Biblia yachatsimantsik? neq libruwan yachatsi bautizakunqanyaq yanapanëkipaq.