Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Marzu de 2016

 DIOS MUNANQANNÖ KAWANAPAQ

Jesus wanunqanrëkurmi kawarimïqa kanqa

Jesus wanunqanrëkurmi kawarimïqa kanqa

Jesus Wanunqanta Yarpëqa, alläpam yanapamantsik pë wanunqanrëkur alli kaqkunata chaskinapaq kaqman pensanapaq. Juk kaqqa kawarimïmi. Jehoväqa manam imëpis nunakuna wanuyänanta munarqantsu. Tsëmi pipis kuyë kastankunata wanupakurqa alläpa llakikïpa pasayan (1Co 15:26). Läzaru wanuriptin discïpulunkuna waqaqta rikarmi Jesuspis alläpa llakikurqan (Jn 11:33-35). Tsëmi, Jesus Teytannölla kaptin, musyantsik nunakuna familiankunata wanupakur waqayaptin Jehoväpis tsëta rikar llakikunqanta (Jn 14:7). Jehoväqa munëkan mana jaqipa sirwishqa kaqninkunata kawaritsimunan höra chämunantam y noqantsikpis tsëtam munantsik (Job 14:14, 15).

Jehovä Dios ordenädu kaptinmi shuyarantsik wanushqakunapis pë patsätsinqanmannö kawariyämunampaq kaqta (1Co 14:33, 40). Wanupakur waqanantsikpa rantinmi, tsë tiempuchöqa kawarimoqkunata chaskir kushikushun. Pillapis wanuptin, ¿tsë shuyäkiman pensanëkipaq tiemputa rakinkiku? (2Co 4:17, 18). ¿Agradecikuntsikku wanushqakuna kawariyämunampaq kaqta Jehovä Bibliachö willamanqantsikpita? (Col 3:15).

  • ¿Mëqan kastëki o amïguïki kawarimoqtataq rikëta masqa munanki?

  • ¿Diosta unë sirweqkunapitaqa mëqantataq reqita munanki?