Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Marzu de 2016

 ÖRUTANÖ BIBLIACHÖ ASHINAPAQ | JOB 1-5

Imëkapa pasëkarpis Jobqa manam Jehoväta jaqirqantsu

Imëkapa pasëkarpis Jobqa manam Jehoväta jaqirqantsu

Israelïtakuna Egiptuchö esclävunö kayanqan witsanmi, Jobqa Uz markachö kawarqan. Mana israelïta këkarpis, Jehovätaqa llapan shonqunwanmi sirwirqan. Familianchöqa atskam kayarqan y imëkayoqmi karqan. Yachaq y alli ruraq kaptinmi respetayarqan. Jina waktsakunataqa imëkawanmi yanapaq. Jehoväpa rikënimpaqqa alli nunam Jobqa karqan.

Jehovälla kawëninchö mas precisaq kanqantam Jobqa rikätsikurqan

1:8-11, 22; 2:2-5

  • Jobqa llapan shonqunwanmi Jehoväta sirwirqan, tsëtam Satanasqa rikëkarqan. Tsëmi intereslla sirwinqanta ardë acusar qallëkurqan.

  • Dios bendiciptinlla sirwinqantam Satanasqa nirqan.

  • Tsënö mana kanqanta rikätsikunampaqmi, Jehoväqa permitirqan Jobta tukïnöpa Satanas pruëbaman churananta.

  • Job alli tsarakuptinnam, Satanasqa llapan nunakunatana acusar qallëkurqan.

  • Jobqa manam Diospaq mana allita parlarqantsu ni desgraciankunapita culparqantsu.