Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Juniu de 2017

 DIOS MUNANQANNÖ KAWANAPAQ

¿Chipyëpaku Jehovä änikunqanman confiakunki?

¿Chipyëpaku Jehovä änikunqanman confiakunki?

Jehoväqa änikunqanta imëpis cumplinqantam Josuëwan Salomonqa niyarqan (Jos 23:14; 1Rë 8:56). Tsënö niyanqanmi Jehovä ninqanman mas markäkunapaq yanapamantsik (2Co 13:1; Tït 1:2).

Josuë kawanqan witsan Jehovä änikunqanta imanö cumplinqanta musyëta munarqa, Jehovä llapan parlanqankunaqa ninqannöllam cumplikashqa nishqan videuta familiëkiwan juntu rikäriyë, tsëpitana kë tapukïkunata contestariyë: 1) ¿Imatataq Rahabpita yachakuntsik? (Heb 11:31; Snt 2:24-26). 2) ¿Imanötaq Acan ruranqan rikätsimantsik ardëpa imatapis rurarnin Diosta mana wiyakushqaqa, mana allichö ushanapaq kaqta? 3) ¿Imanirtaq Gabaon nunakunaqa Josuëta engañayarqan Israel markawan amishtayänampaq? 4) ¿Imanötaq Jehovä ninqan cumplikarqan, pitsqaq amorrëu reykuna Israel nunakunata wanutsita munëkäyaptin? (Jos 10:5-14). 5) ¿Imatataq qampaq Jehovä rurashqa pëpa kaqta puntaman churanqëkirëkur? (Mt 6:33).

Jehovä ruranqanman, rurëkanqanman y ruramunampaq kaqman pensashqaqa, pë änikunqanmanmi mas markäkushun (Ro 8:31, 32).

¿Josuënöku qampis Diosman chipyëpa markäkunki?