Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Juniu de 2016

 ÖRUTANÖ BIBLIACHÖ ASHINAPAQ | SALMUS 34-37

Jehoväman markäkï y alli kaqta rurë

Jehoväman markäkï y alli kaqta rurë

“Mana alli ruraqkunata ama envidiëtsu”

37:1, 2

  • Ama jaqitsu mana allikunapa pasareqlla kushikïninkuna Jehoväta sirwinqëkichö pantatsishunëkita. Jehovä qoshunqëki bendicionkunaman y pëpaq ruranëki kaqkunaman pensë.

“Jehoväman markäkï y alli kaqta rurë”

37:3

  • Llakinashqa y pantashqanö sientikunqëki höra Jehovä cuidashunëkipaq kaqman markäkï. Pëllata sirwir sïguinëkipaqmi yanapashunki.

  • Jehoväpa alli willakïnimpita yachatsikurnin ocupädu kë.

“Jehovärëkur imëpis kushishqa kë”

37:4

  • Tiempïkita raki Diospa Palabranta leyinëkipaq y tsëman yarpachakunëkipaq, tsënöpa Jehoväta mas reqinëkipaq.

“Llapan kawënikita Jehoväpa makinchö jaqiri”

37:5, 6

  • Imëka problëmapa pasëkarnimpis, Jehovä yanapashunëkipaq kaqman markäkï.

  • Tumpayäshuptiki, mana alli tratayäshuptiki o qatikachäyäshuptikipis, alli portakoq kanqëkita rikätsikï.

“Jehoväpa nöpanchö ama quejakïtsu y pëllachö shuyarë”

37:7-9

  • Ras piñakur ama imatapis lluta rurëtsu. Tsëqa kushikïnikita y Jehoväwan amïgu kënikitam ushakäratsinqa.

“Peru manshu kaqkunam patsachöqa täräyanqa”

37:10, 11

  • Manshu y tranquïlu kë, y mana alli tratayäshuptiki sufrinqëkipita Jehovä librashunëkipaq kaqman humildäwan markäkï.

  • Cristiänu mayikikunata yanapë y Jehovä änikunqan mushoq Patsa këllachöna kanqanta parlaparnin llakishqakunata shoqë.

Diospa Gobiernunqa imëka bendicionkunatam apamunqa.