Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Febrëru de 2016

 DIOS MUNANQANNÖ KAWANAPAQ

Llapan nunakunata invitashun, Jesus Wanunqanta Yarpëman

Llapan nunakunata invitashun, Jesus Wanunqanta Yarpëman
CAMBIANAMPAQ
Texto
Imagen

Kë wataqa, säbadu 27 de febrërum invitakur qallashun, y markantsikchö llapan nunakuna Jesus Wanunqanta Yarpëman shayämunampaqqa, tukïnöpam kallpachakushun invitakunapaq. Altantum këkänantsik pipis yachakïta munaptinqa yanaparinapaq.

¿IMANÖTAQ RURASHWAN?

KËNÖ RURË

“Alläpa precisaq reunionman shamunëkipaqmi invitënikita munayä. Mierculis 23 de marzum, millonyëpayan nunakuna jinantin Patsachö juntakäyanqa Jesucristu wanunqanta yarpäyänampaq y wanunqan imanö yanapamanqantsikta Bibliawan yachatsikäyämunqanta wiyayänampaq. Kë invitacionchömi këkan, markantsikchö imë höra y mëchö kë reunion rurakänampaq kaqqa. Alläpam kushikuyäshaq shamuptikiqa.”

Nuna mas yachakïta munaptinqa këtapis rurë:

  • TÄPAKOQ REVISTATA MUNARATSI

    Yapë kutirnin imapita parlapärinëkipaq juk tapukïta jaqi.

  • JESUS WANUNQANTA YARPËPAQ VIDËUTA RIKÄRATSI

    Yapë kutirnin imapita parlapärinëkipaq juk tapukïta jaqi.

Yapë watukarnin këtapis rurë:

  • RIKÄRATSI ¿IMANIRTAQ BIBLIAPITA YACHAKUNKIMAN? NEQ VIDËUTA

    Tsëpitana Bibliapita nunakunata yachatsinapaq utilizanqantsik mëqan publicacionllatapis jaqirapï.

  • ¿RASUMPËPAQA, ¿IMATATAQ BIBLIA YACHATSIKUN? LIBRUTA MUNARATSI

    Jesus Wanunqanta Yarpëpita maslla yacharatsinëkipaq, rikäratsi 206-208 päginakunachö këkaq yachatsikïta. Y tsëpitana libruta munaratsi.

  • DIOSTA WIYAKÏ FOLLËTUTA MUNARATSI

    Jesus Wanunqanta Yarpëpaq maslla yacharatsinëkipaq rikäratsi 18 y 19 päginachö këkaq yachatsikïta. Y tsëpitana follëtuta munaratsi.