Alli y mana alli tiempuchöpis Jehoväman markäkunqantsikqa (yärakunqantsikqa) alläpam precisan (Sl 25:1, 2). Jesus manaraq shamuptin 700 watakuna witsanmi, Judä markachö täraqkunata ushakätsita munayarqan, y tsë pasakunqanmi Diosman markäkïninkunata cäsi ushakäratsirqan. Tsë pasakunqampitaqa yachakïtam puëdintsik (Ro 15:4). “Jehovällä, qammanmi chipyëpa markäkamü” neq vidëuta rikärir, kë tapukïkunata contestariyë:

  1. ¿Ima mana allipataq Ezequïasqa pasarqan?

  2. ¿Imanötaq Ezequïasqa Proverbius 22:3 textu ninqanta rurarqan?

  3. ¿Imanirtaq Ezequïasqa asiriu nunakuna niyanqanta rurarqantsu, ni Egiptupa yanapakïninta ashirqantsu?

  4. ¿Imatataq Ezequïaspita yachakïta puëdintsik?

  5. ¿Imakuna pasamanqantsiktaq Jehoväman markäkunqantsikta ushakäratsinman?

¿Imakunachötaq jehoväman mas markäkunqäta rikätsikïta munä?