Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Diciembri de 2017

 DIOS MUNANQANNÖ KAWANAPAQ

Alli yachatsikoq kë: Yachatsikuyanqëki sitiukunachö llapan nunakunata ashiyë

Alli yachatsikoq kë: Yachatsikuyanqëki sitiukunachö llapan nunakunata ashiyë

¿IMANIRTAQ PRECISAN? Zacarïasmi willakurqan “tukï idiömata parlaq më tsë nacionkunapita” nunakuna, Diospa alli willakïninkunata chaskiyänampaq kaqta (Zac 8:23). Peru ¿pitaq pëkunataqa yachatsinan karqan? (Ro 10:13-15). Yachatsikunqantsik sitiukunachö llapankunata Diospita parlapänapaq precisaq rurëyoqqa, noqantsikmi kantsik (od-S päg. 84 pärrk. 10, 11).

¿IMANÖTAQ RURASHWAN?

  • Puntallapitana alistakï. ¿Tarirqunkiku juk idiömata parlaq nunakunata? Tsëqa juk idiömachö yarqamoq yachatsikïkunata kutin kutin yachakï, JW Language aplicacionchömi këkan. Jina celularnikita utilicë jw.org päginantsikchö yarqamoq mas yachatsikïkunata, idiömankunachö imanö tariyänampaq rikäratsinëkipaq.

  • Alcäbulla kë. Wayin wayin yachatsikurqa, mas nunakunata parlapëtam procuranëki. Nänipa pasëkaqkunata y cärruta shuyëkaq nunakunata parlapëta tïrë. Y puriräyänan sitiuman churakëkur yachatsikunqëki höraqa, altantullam känëki.

  • Ama qelanëtsu. Wayinkunachö mana këkaqkunata tarita procurë. Chanqëki wayikunachö mëqanllawampis parlanëkipaq kallpachakï y mana kayaptinqa itsapis juk junaqkunachöna kutirinkiman. Y wakinkunataqa itsapis yacharatsinkiman cartapa, celularpa o cällikunachö.

  • Imëpis watukë. Raslla kuti yachatsinëkipaq, tsënöpa mas yachakïta munanampaq. Y juk idiömata parlaptinqa, tsë idiömata parlaq mëqan publicadorllatapis niri watukanampaq. Peru idiömanta parlaq publicador chanqanyaq watukëta jaqitsu (od-S pägk. 93, 94 pärrk. 39, 40).

“PATSAPA MAS KARU KUCHUNYAQ[MI]” YACHATSIKUNTSIK NEQ VIDEUTA RIKÄRIR, KË TAPUKÏKUNATA CONTESTARIYË:

  • ¿Imanötaq cristiänu mayintsikkuna alistakuyarqan mas karu markakunachö yachatsikuyänampaq? (1Co 9:22, 23).

  • ¿Imakunapataq pasayänan karqan?

  • ¿Ima bendicionkunatataq chaskiyarqan?

  • ¿Imatataq rurashwan yachatsikunqantsik sitiukunachö mas nunakunawan parlanapaq?