Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Diciembri de 2016

 ÖRUTANÖ BIBLIACHÖ ASHINAPAQ | ISAÏAS 1-5

“Witsäshun Jehoväpa jirkanman”

“Witsäshun Jehoväpa jirkanman”

2:2, 3

“Ushanan junaqkuna”

Kanan kawëkanqantsik witsan.

“Jehoväpa wayin këkaq jirka”

Limpiu y mas alli kaq adoracion.

“Tsëmanmi llapan nacionkuna ëwayanqa”

Rasumpa kaq adoracionchö këkaqkunaqa juknöllam kayan.

“Shayämi, witsäshun Jehoväpa jirkanman”

Diosta adoraqkunaqa, wakimpis pëkunawan juntu adorayänampaqmi invitakïkäyan.

“Pëmi näninkunata reqitsimäshun y rasumpëpam imëpis nänimpa purishun”

Jehoväqa mandakunqannö kawanapaqmi, Palabran Bibliawan yachatsimantsik y yanapamantsik.

2:4

“Ni wanutsinakïta mananam yachakuyanqanatsu”

Isaïas libruqa willakun wanutsinakï armakuna chakrachö trabajanapaq herramientakunaman tikranampaq kaqtam, tsëwanqa rikätsikun Diospa markan yamë kawakunampaq kaqtam. Y Isaïaspa tiempumpaqqa, ¿ima herramientakunataq karqan?

“Espädankunatam takllapa puntanman tikratsiyanqa”

Takllapa puntanqa, yapyakuyänampaq y surcuta rurayänampaqmi yanapakoq. Wakinqa fiërrupitam kaq (1Sa 13:20).

“Lanzankunatanam plantata rutukunaman tikratsiyanqa”

Tsë herramientaqa hözinömi kaq, y tsëwanmi üvasta rutupäyaq shumaq winanampaq (Isa 18:5).