Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Diciembri de 2016

 ALLI YACHATSIKOQ KË

“Dios Yayapa kuyakïninchö imëpis kawakuyë” neq libruta utilizäshun nunakunapa shonqunman chänapaq

“Dios Yayapa kuyakïninchö imëpis kawakuyë” neq libruta utilizäshun nunakunapa shonqunman chänapaq

¿IMANIRTAQ PRECISAN? Nunakunaqa Jehovä imata mandakunqankunatam alleq musyayänan y wiyakuyänan, tsënöpam Diosqa adoracionninkunata chaskinqa (Isa 2:3, 4). Yachatsikun libruta usharirmi, “Dios Yayapa kuyakïnin” neq libruwan estudiu biblicuta qontsik, kë libruqa Dios mandakunqannö kawakuyänampaqmi yanapakun (Heb 5:14). Sinchikunantsikmi Bibliapita yachakïkaqkunapa shonqunman chänapaq, tsënöpa shonqupita patsë mana alli portakïninkunata jaqiyänampaq (Ro 6:17).

¿IMANÖTAQ RURASHWAN?

  • Yachatsikunëkipaq kaqta alleq alistakï. Bibliapita yachëkätsinqëki nuna imanö sientikunqanta tapï. Yachëkätsinqëkikunapita tapupäri, imata pensanqanta musyarinëkipaq (Pr 20:5; be-S päg. 259).

  • Biblia yachatsikunqannö kawë alläpa alli kanqanta cuentata qokunampaq recuadrukunata utilicë.

  • Biblia yachatsikunqanta cuentaman churar alleq pensëkur imatapis akranampaq yanapë y ama qam akrëtsu pë ruranampaq kaqta (Gäl 6:5).

  • Alkäbu kë, Bibliapa musyatsikïninta kawëninchö ruranampaq yanaparinëkipaq. Jehoväta kuyanqanrëkur kawëninchö cambiukunata ruranampaq animari (Pr 27:11; Jn 14:31).