Llapan kanqanman ëwari

Qallananchö tïtulukunaman ëwë

Jehoväpa testïgunkuna

Idiömata akrë Quechua (Ancash)

 DIOS MUNANQANNÖ KAWANAPAQ

“¡Këchömi noqa këkä! Noqata kachamë”

“¡Këchömi noqa këkä! Noqata kachamë”

Isaïas ruranqannöllam noqantsikpis rurëta puëdintsik. Pëqa markäkoq (yarakoq) kanqantam rikätsikurqan, tsëmi yanapakïta wanayanqan sitiuman raslla ëwarqan imata ruranampaq kaqta alleq mana musyëkarnimpis (Isa 6:8). ¿Qamwan familiëkiqa puëdiyankimantsuraq patsätsipakïta Diospita yachatsikïta mas wanayanqan sitiukunaman ëwayänëkipaq? (Sl 110:3). Tsëta rurayänëkipaqqa alliraqmi yarpachakuyänëki (Lü 14:27, 28). Manam fäciltsu, peru listum këkäyänëki imëkatapis jaqirïkur juk markata yachatsikoq ëwayänëkipaq (Mt 8:20; Mr 10:28-30). Yachatsikïchö yanapakuyänäpaqmi juk nacionta ëwakuyarqä neq vidëuchö rikanqantsiknömi, imëkata jaqirïkur ëwakunqantsikqa mëtsika bendicionkunata apamun.

VIDËUTA RIKÄRIR, KË TAPUKÏKUNAPITA YACHAKURIYË:

  • ¿Imakunata jaqirïkurtaq familia Williamsqa Ecuadorta yanapakoq ëwakuyarqan?

  • ¿Familiankunapaq imata munarnintaq yanapakoq ëwakuyänampaq pensayarqan?

  • ¿Ima bendicionkunatataq chaskiyarqan?

  • ¿Ima publicacionchötaq tarishun maslla yachatsikïta munanapaq yanapakïkunata?

FAMILIACHÖ DIOSTA ADORANA HÖRACHÖ, KË TAPUKÏKUNAPITA YACHAKURIYË:

  • ¿Imatataq rurashwan familiantsikwan Diospita mas yachatsikunantsikpaq? (km 8/11 pägk. 4-6).

  • Juk markata o juk nacionta yachatsikoq ëwëta mana puëdirnimpis, ¿imanöpayantaq congregacionnintsikchö yanapakushwan? (w16.03 pägk. 3-5).