Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Agostu de 2017

 DIOS MUNANQANNÖ KAWANAPAQ

¿Imëtaq precursor auxiliarnö yanapakïta puëdïman?

¿Imëtaq precursor auxiliarnö yanapakïta puëdïman?

Suëñïninchö Ezequiel juk templuta rikanqanqa Diospa markan shonqupita patsë ofrendakunata qoyanqantam rikätsikun. Y ¿imanötaq noqantsikqa ofrendata ruraq cuenta Jehoväta alabashwan? (Heb 13:15, 16).

Juknöpaqa kanman precursor auxiliarnö yanapakurmi. 2018 sirwina watachöqa, atska killakunam pitsqa säbadukunayoq y pitsqa domingukunayoq kanqa. Këqa, trabäjunkunarëkur semäna ushëkunalla yachatsikoqkunatapis precursor kayänampaqmi yanapanqa. Jinamampis, marzu y abril killakuna y congregacionta watukaq wawqi watukamanqantsik killakunachömi, publicadorkunaqa precursor auxiliarnö yanapakïta puëdiyanman, porqui tsë witsankunaqa 30 hörakunallam yachatsikïta puëdiyanqa.

Peru ¿tsënö këkaptimpis precursor auxiliar këta mana puëdishqaqa? Tsëqa, mas alli y llapan puëdinqantsiknö yachatsikunapaqmi kallpachakunantsik. Imakunapa pasëkarnimpis, Jehoväta kuyanqantsikmi yanapamäshun 2018 sirwina wata llapan puëdinqantsikmannö yachatsikunapaq (Os 14:2).

¿Imanötaq pani Sabïna Hernandez ruranqanta qatishwan?

“SABÏNA PUËDIKAPTINQA, NOQANTSIKPIS PUËDINTSIKMI” NEQ VIDEUTA RIKÄRIYË. TSËPITANA KË TAPUKÏKUNATA RURARÏ:

  • ¿Imataq Sabïnata yanapan Jehoväpita mas yachatsikunampaq?

  • ¿Imanötaq Sabïna ruranqanqa yanapashunki?

  • 2018 sirwina watachöqa, ¿ima killakunataq precursor auxiliarnö yanapakushwan?