Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Agostu de 2016

 DIOS MUNANQANNÖ KAWANAPAQ

Rasumpa kaqta yachatsikushun

Rasumpa kaqta yachatsikushun

Septiembripita patsëmi, Reunionchö yachakunapaq höjamanqa juk mushoq yachatsikï yapakämunqa, tïtulunqa kanqa “Rasumpa kaqta yachatsikushun” ninmi. Këwanqa Bibliapa juk rasumpa yachatsikïnintam yachatsikushun juk tapukïwan y Bibliapa juk textuwanmi.

Pipis yachakïta munaqnö kaptinqa, yapë watukanapaqmi juk publicacionllata jaqirapushwan, o jw.org päginapitapis juk vidëuta rikäratsishwanmi. Parlapar sïguinapaq juk ishkë junaqkunallachö kutita tïrashun. Kë mushoq yachatsikïkuna y congregacionchö asignacionkunaqa What Can the Bible Teach Us neq librupa precisaq yachatsikïninkunapitam jorqakämunqa, këqa Yachatsikun librum, peru mas fäcil-lla entiendinapaq mushoq revisashqa librum kanqa. Quechuachö kë libru manaraq kaptinmi, Rasumpëpaqa, ¿imatataq Biblia yachatsikun? neq librullataraq utilizäshun, porqui tsëchö yachatsikïkunaqa alläpam yanapakun nunakunata watukaq kutinapaq y estudiu biblicuta diriginapaq.

Juk nänillam kawëmanqa apakun (Mt 7:13, 14). Yachatsinqantsik nunapaqa tukï creenciankunam kan y tukï sitiupitam kayan, tsëmi pëkunapaqnö Bibliapita yachatsikïkuna kanan (1Ti 2:4). Bibliapa tukï yachatsikïninkunata kutin kutin yachatsikur y Diospa ‘rasumpa kaq palabranta’ alli utilizarqa, mas kushishqam sientikushun y nunakunata yachatsinqantsikpis mas allim yarqapamäshun (2Ti 2:15).